മുസ്ലീം കൃസ്ത്യന് തെറാപ്പികള് !!!
നമ്മുടെ നാട്ടില് ബ്രാഹ്മണരുടെ കാര്മ്മികത്വത്തിലും, സവര്ണ്ണരുടെ ഭരണത്തിലുമായിരുന്ന ഇടങ്ങളില് ജാതീയതയും അടിമത്വവും നിലനിര്ത്തുന്നതില് ഒരു ഫലപ്രദമായ ഉപകരണമായി മുസ്ലീം മതത്തേയും ക്രൈസ്തവമതത്തേയും എങ്ങനെയാണ് ഉപയോഗപ്പെടുത്തിയിരുന്നത് എന്ന് ബ്ലോഗര് ശങ്കരനാരായണന് മലപ്പുറം വസ്തുനിഷ്ടമായി തന്റെ പോസ്റ്റിലൂടെ വിവരിച്ചിരിക്കുന്നു. ഇവിടത്തെ അവര്ണ്ണരും പട്ടിക ജാതികളുമെല്ലാമായിരുന്ന നമ്മുടെ മുസ്ലീങ്ങളും കൃസ്ത്യാനികളും ഉന്നതകുലജാതരാകാന് വേണ്ടി വിസ്മരിച്ച അവരുടെ സ്വന്തം ചരിത്രത്തിലേക്ക് വെളിച്ചം വീശുന്നതാണ് ശങ്കരനാരായണന് മലപ്പുറത്തിന്റെ
മുസ്ലീം തെറാപ്പി! എന്ന പോസ്റ്റ്. ജാതി മത താല്പ്പര്യങ്ങളുടെ പ്രബലത കാരണം കേരള ജനത അഭിമുഖീകരിക്കാന് ഇഷ്ടപ്പെടാത്ത ഇത്തരം വസ്തുതകള് പുറത്തു കൊണ്ടു വരുന്നതിലൂടേയും പഠിക്കുന്നതിലൂടേയും മാത്രമേ സമൂഹത്തില് എല്ലാവരും മനുഷ്യരാണെന്ന സമത്വ ചിന്തയും അതിനോടനുബന്ധിച്ച നീതിബോധവും സംസ്ക്കാരവും ഉണ്ടാകുകയുള്ളു എന്നതിനാല് ഈ പോസ്റ്റ് അതിപ്രധാനമാകുന്നു.
- വളരെ മനോഹരമായും ഹൃദയസ്പര്ശിയായും നമ്മുടെ സാമൂഹ്യ രോഗത്തെയും,ചരിത്രത്തെക്കുറിച്ചുള്ള അറിവില്ലായ്മയേയും ഈ പോസ്റ്റിലൂടെ ബൂലോകത്തിനു നല്കിയതിനു നന്ദി. മുസ്ലീം തെറാപ്പി എന്നോ മാപ്ല തെറാപ്പിയെന്നോ വിളിക്കാവുന്ന ഈ സാമൂഹ്യരോഗത്തെക്കുറിച്ച് അറിവുപരന്നാല് നമ്മുടെ നാട്ടില് വര്ഗ്ഗീയ അക്രമങ്ങള്ക്ക് ആളെക്കിട്ടാതാകുകയും, ജനം ജാതിമതങ്ങള്ക്കതീതമായി മനുഷ്യരായി മാറാനും സാമൂഹ്യ സാംസ്ക്കാരിക പുരോഗതിയിലേക്ക് കുതിക്കുകയും ചെയ്യും. മനുഷ്യന്റെ അടിമത്വത്തെ ഇല്ലാതാക്കുന്ന അത്തരമൊരു പ്രബുദ്ധ ജനതയെ രാഷ്ട്രീയ പാര്ട്ടികള്ക്കും മത ജാതി സംഘടനകള്ക്കും സ്വീകാര്യമാകാത്തതിനാല്… നമുക്ക് അന്ധവിശ്വാസങ്ങളേയും അനാചാരങ്ങളേയും സര്ക്കാര് ചിലവില് എങ്ങനെ വളര്ത്തിയെടുക്കാം,സംരക്ഷിക്കാം എന്നാണ് ഭരണവര്ഗ്ഗങ്ങള് ചിന്തിക്കുക. ചിത്രകാരന്റെ അഭിനന്ദനങ്ങള് !!!
