Comment jar: കമന്റു ഭരണി

പ്രിയ ബ്ലോഗര്‍മാരെ,ഈ വരുന്ന ഞായറാഴ്ച്ച (01-05-2011)എന്റോസള്‍ഫാന്‍ ദുരന്തഭൂമിയായ കാസര്‍ഗോട്ടെ ഗ്രാമങ്ങളിളേക്ക് ബ്ലോഗര്‍മാരുടേ ഒരു യാത്ര ബ്ലോഗ് അക്കാദമി സംഘടീപ്പിക്കുകയാണ്. പത്രമാധ്യമങ്ങളിലൂടേ എന്റോസല്‍ഫാന്‍ ദുരന്തത്തിന്റെ ചിത്രം നമുക്ക് ലഭിക്കുന്നുണ്ടെങ്കിലും, അതിലുപരി നേരിട്ടുള്ള അനുഭവമായി മാനവികതയെ നടുക്കുന്ന ഈ ഭീകരതയെ മനസ്സിലാക്കാനുള്ള ശ്രമമാണ് ഉദ്ദേശിക്കുന്നത്. മെയ് 1 ന് രാവിലെ 10 മണിക്ക് കാസര്‍ഗോഡ് റെയില്‍‌വേ സ്റ്റേഷനില്‍ ഒത്തുകൂടിയതിനു ശേഷം ദുരന്തബാധിത പ്രദേശങ്ങളായ ഗ്രാമങ്ങളിലേക്ക് (ഏതാണ്ട് 35 കി.മി.ദൂരെ)വാടകക്കെടുത്ത വാഹനങ്ങളില്‍ യാത്ര തിരിക്കാം.ബ്ലോഗര്‍മാരായ നമുക്ക് ഈ പ്രശ്നത്തില്‍ എന്തൊക്കെ ചെയ്യാനാകുമെന്ന് [...]

മാപ്ലാര് ഇടക്കാലത്ത് നെറ്റിയില്‍ നിസ്ക്കാര തഴമ്പുകളെന്ന കറുത്തപാടുകള്‍ നിര്‍മ്മിച്ചെടുക്കാന്‍ കഷ്ടപ്പെട്ടിരുന്നത് ചിലരെങ്കിലും ശ്രദ്ധിച്ചു കാണും. നിസ്ക്കാര തഴംബില്ലെങ്കില്‍ വിശ്വാസത്തിനു ശക്തിപോരെന്ന പൊതു വിശ്വാസം ശക്തിപ്പെട്ടതുകൊണ്ടോ, ഒരു ഫാഷനായി മതഭക്തി ഉയര്‍ത്തിക്കാണിക്കാന്‍ ആരംഭിച്ചതിനാലോ ആയിരിക്കണം മലബാറിലെ മാപ്പിളമാരുടെ നെറ്റിത്തടം നിസ്ക്കാര തഴമ്പുകൊണ്ട് ഒരുകൊല്ലം മുന്‍പുവരെ കറുത്തു കരുവാളിച്ചു കിടന്നിരുന്നു. പ്രഫസര്‍ ജോര്‍ജ്ജ് ജോസഫിന്റെ വലത്തേ കൈവെട്ടലും, ഇടത്തേ കാലുവെട്ടലുമായി വളര്‍ന്ന മതഭക്തി പൊതുസമൂഹം അംഗീകരിക്കുന്നില്ലെന്ന് ബോധ്യപ്പെട്ടതുകൊണ്ടാണെന്നു തോന്നുന്നു, ഇപ്പോള്‍ നിസ്ക്കാര തഴമ്പ് മലയാളി മാപ്ലമാരുടെ നെറ്റിയില്‍ നിന്നും മാഞ്ഞുതുടങ്ങിയിരിക്കുന്നു [...]

കലയും, സാഹിത്യവും,ശാസ്ത്രവും മാനവരാശിയുടെ പൊതു സ്വത്താകേണ്ടതും, അത് സമൂഹത്തില്‍ നിയന്ത്രണങ്ങളില്ലാതെ വിനിമയം ചെയ്യപ്പെടേണ്ടതും സമൂഹ നന്മക്കും സാംസ്ക്കാരിക വികാസത്തിനും ഒഴിച്ചുകൂടാനാകാത്ത ആവശ്യമാണ്. മസ്സിലുകൊണ്ട് ഭാവാഭിനയം നടത്തുന്ന മലയാളത്തിലെ മാടമ്പി നടന്‍ തന്റെ സിനിമയുടെ പകര്‍പ്പാവകാശ ലംഘനം കയ്യോടെ പിടിക്കാന്‍ ഇന്റെര്‍നെറ്റില്‍ വലവിരിച്ചിരിക്കുകയാണത്രേ !!! വല്ല മഹാപാവങ്ങളേയും സൈബര്‍ഭീകരന്മാരായി പ്രതീകാത്മകമായി നറുക്കിട്ടെടുത്ത് കുരിശാരോഹണം നടത്തി കലിപ്പു തീര്‍ക്കാമെന്നല്ലാതെ ചോര്‍ന്നത് ചോര്‍ന്നതുതന്നെ മഴനൂലുകള്‍ എന്ന ബ്ലോഗില്‍ സൈബര്‍ വേട്ടയുടെ അര്‍ത്ഥശൂന്യതയെക്കുറിച്ച് ഒരു പോസ്റ്റു കണ്ടു. പോസ്റ്റിലേക്കുള്ള ലിങ്ക്:ഉറുമി കണ്ടവർ മൂന്നുനാലു [...]

ഏഷ്യനെറ്റ് ന്യൂസില്‍ ഇപ്പോള്‍ പ്രക്ഷേപണം ചെയ്തുകൊണ്ടിരിക്കുന്ന “എന്റോസള്‍ഫാന്‍, നമുക്കിതു വേണോ” എന്ന മാതൃഭൂമിയുടെ പൊതുതാല്‍പ്പര്യ പരസ്യം ചിത്രകാരന് വളരെ ഇഷ്ടപ്പെട്ടു. എന്റോസള്‍ഫാന്‍ ബാധിതയായെ കാസര്‍ഗോട്ടെ ഒരു പെണ്‍കുട്ടി- ഷാഹിനയേയും, എന്റോസള്‍ഫാനില്‍ നിന്നും സുരക്ഷിത ദൂരത്തിന്റെ ഭാഗ്യമനുഭവിക്കുന്ന ഒരു പെണ്‍കുട്ടിയേയും ഈ പരസ്യത്തില്‍ ഹൃദയസ്പൃക്കായി കോര്‍ത്തിണക്കിയിരിക്കുന്നു. മനോഹരമായ കോപ്പിയുടെ പശ്ചാത്തലത്തില്‍ സത്യത്തിന്റെ രണ്ടു വ്യത്യസ്ത മുഖങ്ങള്‍ ചേര്‍ത്തുവച്ചു നിര്‍മ്മിച്ച സമൂഹത്തിന്റെ മാനവികബോധത്തോടുള്ള ഒരു ചോദ്യമാണ് ഈ പരസ്യ ചിത്രം. നന്മ പ്രചരിപ്പിക്കാന്‍ ഈ സന്ദേശം പ്രചരിപ്പിക്കുന്ന മാതൃഭൂമിക്കും, പരസ്യചിത്രത്തിന്റെ [...]

നടി കാവ്യാമാധവന്റെ ആദ്യവോട്ട് രേഖപ്പെടുത്താനുള്ള എഴുന്നള്ളത്ത് കലകലക്കി !ആത്മാഭിമാനത്തോടെ ഒരു വോട്ടര്‍ ശക്തമായി എതിര്‍ത്തതിനാല്‍ കാവ്യ തമ്പുരാട്ടിക്ക് തിരുവോട്ടു ചെയ്യാന്‍ പ്രത്യേക പരിഗണന ലഭിക്കാതെ വരികയും, നാണംകെട്ട് മടങ്ങേണ്ടി വരികയും ചെയ്തു. ചെകുത്താന്റെ ബ്ലോഗില്‍ കാവ്യത്തമ്പുരാട്ടി പരിവാരസമേതം എഴുന്നള്ളുന്നതും, വോട്ടു ചെയ്യാന്‍ മറ്റു വോട്ടര്‍മാരെയെല്ലാം കായത്തൊലിയാക്കിക്കൊണ്ട് മുന്നില്‍ ചാടിക്കേറാന്‍ ശ്രമിക്കുന്നതും, അഭിമാനിയായ ഒരു പൌരന്‍ അതിനെ എതിര്‍ത്ത് തോല്‍പ്പിക്കുന്നതും ഏഷ്യാനെറ്റ് ടിവി. വാര്‍ത്തയുടെ ക്ലീപ്പോടുകൂടി പോസ്റ്റു ചെയ്തിരിക്കുന്നു. ചെകുത്താന്റെ പോസ്റ്റിന്റെ ലിങ്ക്: കാവ്യാമാധവന്റെ ….വോട്ട് (വീഡിയോ)ബെര്‍ളി ഈ [...]

ചെറിയ ഈര്‍ച്ചവാളുമായി മരത്തടി അളന്നു മുറിക്കുന്ന അദ്ധ്വാനികളായ മനുഷ്യര്‍ ഈര്‍ച്ചപ്പണിയെടുക്കുന്ന തൊഴിലാളികളെ വീരാധനയോടെ നോക്കിക്കണ്ടിരുന്ന കാലമുണ്ടായിരുന്നു. (35 വര്‍ഷം മുന്‍പ്)ചെറുതും, വലുതുമായ ഈര്‍ച്ച വാളുകളുമായി, പ്രത്യേകം കെട്ടിയുയര്‍ത്തിയ പ്ലാറ്റ്ഫോമുകള്‍ക്കു മുകളിലും താഴേയുമായി നിന്ന് വലിയ മരത്തടികള്‍ പലകകളായും ഉരുപ്പടികളായും അളവുതെറ്റാതെ ഈര്‍ന്നെടുക്കുന്ന വിദ്യ നല്ലൊരു കാഴ്ച്ചതന്നെയായിരുന്നു . മരത്തടികള്‍ പലകകളാക്കുംബോള്‍ ഈര്‍ച്ചവാള്‍ ജാമാകാതെ സൂക്ഷിക്കാന്‍ മരത്തിന്റെ വിടവില്‍ ആപ്പ് വക്കുന്ന പരിപാടി ഇപ്പോഴും കാര്‍ട്ടൂണുകളിലും ഹാസ്യകഥകളിലുമൊക്കെയായി അപൂര്‍വ്വമായെങ്കിലും ഉപയോഗിച്ചു കാണുന്നുണ്ട്. കുട്ടിക്കാലത്ത് ഈര്‍ച്ചമില്ലുകളില്‍ നിന്നും ഈര്‍ച്ചപ്പൊടി (ഒരു [...]

ചിത്രകാരന്റെ മകള്‍, അശ്വതി. (ബസ്സിലേക്ക് ഒരു കുടുംബ ഫോട്ടൊ പോസ്റ്റു ചെയ്യുകയാണ്

ദില്ലിപോസ്റ്റ് എന്ന ബ്ലോഗില്‍ കോണ്‍ഗ്രസ്സിന്റേയും ഹസാരേയുടേയും പ്രഷര്‍ വാള്‍വ് അഴിച്ചു പരിശോധിച്ച് ആരോ ഒരു ലേഖനമെഴുതിയിരിക്കുന്നു….ജന്തര്‍മന്തറിലെ സേഫ്റ്റിവാല്‍വുകള്‍ ചിത്രകാരന്‍ അവിടെ എഴുതിയ കമന്റ് താഴെ സൂക്ഷിക്കുന്നു: chithrakaran: on April 10, 2011 at 6:02 pm Your comment is awaiting moderation. ഇത്തരം ലേഖനങ്ങളും, താത്വിക ചര്‍ച്ചയും ഇടതുപക്ഷ കക്ഷികള്‍ക്ക് നിന്നു പിഴക്കാനുള്ള സേഫ്റ്റി വാല്‍‌വുകളാകുന്നതുപോലെ, ഹസാരെയുടെ സമരത്തേയും സേഫ്റ്റി വാല്‍‌വായി യു.പി.എ.ഗവണ്മെന്റ് ബുദ്ധി പൂര്‍വ്വം ഉപയോഗിച്ചു എന്നു പറയുന്നതില്‍ തെറ്റില്ല. അതിലിത്ര കൊതിക്കെര്‍വു [...]

തിരുവനന്തപുരത്ത് ഒരു ഐജി.വിരമിച്ചപ്പോള്‍ സഹപ്രവര്‍ത്തകര്‍ ഓഫീസിലും,ഔദ്ദ്യോഗിക വാഹനത്തിലും സവര്‍ണ്ണ പുണ്ണ്യാഹമായ ചാണകവെള്ളം തളിച്ചു ശുദ്ധിവരുത്തി എന്നത് നമ്മുടെ മനസ്സിലുള്ള ജാതി ചിന്തയുടെ ഏറ്റവും ക്രൂരമായ സംഭവമായിരിക്കുന്നു. 7.4.11ന് മനോരമ പത്രത്തില്‍ പ്രസിദ്ധീകരിച്ച വാര്‍ത്ത ഇതോടൊപ്പം സ്കാന്‍ ചെയ്തു സൂക്ഷിച്ചിരിക്കുന്നു. ആശയപരമായി ദരിദ്രമായിതീര്‍ന്ന നമ്മുടെ രാഷ്ട്രീയപാര്‍ട്ടികള്‍ ജാതിമത തിരുമുറ്റങ്ങളിലെ ശയന പ്രതിക്ഷണക്കാരാണ്. അതിന്റെ ഫലമായി, സമൂഹത്തിലേക്ക് പഴയ മാടമ്പിത്തത്തിന്റേയും, ബാലെകളിലെയും അമര്‍ ചിത്രകഥകളിലേയും ബാലിശരാജസങ്കല്‍പ്പങ്ങളുടെയും വേഷവിധാനങ്ങളോടെ ജാതിപ്പിശാച് തിരിച്ചുവന്നിരിക്കയാണെന്നു തോന്നുന്നു. നവോത്ഥാന നായകരുടെ ത്യാഗങ്ങളെല്ലാം ചവിട്ടിമെതിച്ചുകൊണ്ട് മഹത്തായ ദാസ്യപാരംബര്യങ്ങളുടെ [...]

ഇന്നത്തെ മാതൃഭൂമി പത്രത്തില്‍ അന്ന ഹസാരെയുടെ അഴിമതി വിരുദ്ധ സമരവാര്‍ത്ത ഒന്നാം പേജില്‍ അതര്‍ഹിക്കുന്ന പരിഗണനയോടെ പ്രസിദ്ധീകരിച്ചിരിക്കുന്നു. മാതൃഭൂമിക്ക് അഭിനന്ദനങ്ങള്‍ !!! മാതൃഭൂമി വാര്‍ത്ത സ്കാന്‍ ചെയ്ത് താഴെ സൂക്ഷിച്ചിരിക്കുന്നു. അന്ന ഹസാരെയെക്കുറിച്ചുള്ള ഒരു വീഡിയോയും താഴെ കാണാം. ഇതേ വിഷയത്തിലുള്ള മറ്റു പോസ്റ്റുകളിലേക്കുള്ള ലിങ്ക്: ഇന്ത്യയിലും നെറ്റ് വിപ്ലവം ! മാറാന്‍ കൊതിക്കുന്ന ഇന്ത്യ, മാറ്റാന്‍ ഹസാരെ

മംഗളത്തില്‍ അണ്ണാ ഹസാരെയുടെ നേതൃത്വത്തില്‍ നടക്കുന്ന സമരത്തെക്കുറിച്ചുള്ള നല്ലൊരു വാര്‍ത്ത പ്രസിദ്ധീകരിച്ചിരിക്കുന്നു. വാര്‍ത്തയിലേക്കുള്ള ലിങ്ക് വാര്‍ത്ത താഴെ കോപ്പി പേസ്റ്റുകയും ചെയ്യുന്നു.പ്രധാന മന്ത്രിക്കുള്ള അണ്ണാ ഹസാരെയുടെ കത്ത് (ലിങ്ക്)മാതൃഭൂമി വാര്‍ത്തയും യൂറ്റ്യൂബ് വീഡിയോയുമുള്ള മറ്റൊരു പോസ്റ്റിന്റെ ലിങ്ക്: അഴിമതിക്കെതിരായുള്ള രണ്ടാം സ്വാതന്ത്ര്യ സമരം ! അണ്ണാ ഹസാരെക്കൊപ്പം യുവജന ലക്ഷങ്ങള്‍ ന്യൂഡല്‍ഹി: രാജ്യതലസ്‌ഥാന നഗിരിയിലെ ജന്തര്‍മന്ദറില്‍ ഗാന്ധിയനായ അണ്ണാ ഹസാരെ നടത്തുന്ന അഴിമതി വിരുദ്ധ സമരത്തിനു പിന്നില്‍ അണി നിരക്കുന്നവരിലേറെയും യുവജനങ്ങള്‍. ടുണീഷ്യയിലും ഈജിപ്‌തിലും അരങ്ങേറിയ ജനാധിപത്യ [...]

ബൈക്ക് യാത്രക്കാരേയാണ് പോലീസ് ഏറ്റവും കൂടുതല്‍ ദ്രോഹിക്കാറുള്ളത്.ആ പാവങ്ങളെ ദ്രോഹിക്കാന്‍ ഒരു കൊടച്ചക്രത്തിന്റെയും ആവശ്യമില്ല. ഇപ്പോള്‍ മെഷീന്‍ ഗണ്ണുപോലുള്ള ടെലി ക്യാമറയും കമ്പ്യൂട്ടറുമൊക്കെ ഫിറ്റു ചെയ്ത് പാക്കിസ്ഥാന്‍ സൈന്യത്തിനു നേരെ പട്ടാളക്കാര്‍ പതുങ്ങി കിടക്കുന്നതുപോലെയാണ് നമ്മുടെ പായ്യാരം പോലീസ് ഹൈവേകളില്‍ ഇരപിടിക്കാനിരിക്കുന്നത്. ശബളം കൊടുത്തു തീറ്റിപോറ്റുന്ന ജനങ്ങളെ എങ്ങനെ കുറ്റവാളികളാക്കി കെണിവച്ചു പിടിച്ച് പണം പിടിച്ചുപറിക്കാം എന്നാണ് പോലീസിന്റെ ഒരേയൊരു ലക്ഷ്യം ! മന്ത്രിമാരേയും,എം.എല്‍.എ.മാരേയും ഉന്നതോദ്ധ്യോഗസ്ഥരേയും,മന്ത്രിസന്തതികളേയും മാത്രമേ തങ്ങള്‍ക്കു ബഹുമാനിക്കേണ്ടതുള്ളെന്നും, ജനങ്ങളെല്ലാം മൊത്തത്തില്‍ കള്ളന്മാരും കുറ്റവാളികളുമാണെന്ന മാടമ്പി [...]

വടക്കാംഞ്ചേരിയില്‍ (പാഞ്ഞാള്‍) പന്ത്രണ്ടു ദിവസം നീണ്ടുനില്‍ക്കുന്ന ബ്രാഹ്മണ മന്ത്രവാദികളുടെ അതിരാത്ര തട്ടിപ്പിന് തിരിതെളീഞ്ഞിരിക്കുന്നു. ഏതുകാര്യവും വളഞ്ഞ് മൂക്കുപിടിക്കുന്നതുപോലെ അത്യന്തം പ്രകടാനാത്മകമായി എന്തോ മഹത്തായ കാര്യമാണെന്ന ഭാവഹാവത്തോടെ സംഘടിതമായി ചെയ്തുതീര്‍ക്കുന്ന ഒരു പൊട്ടന്‍ കളി നാടകമാണ് അതിരാത്രമെന്ന പേരില്‍ നടത്തുന്ന പേക്കൂത്ത്. തിയ്യുണ്ടാക്കാന്‍ തീപ്പെട്ടി ഉരതുന്നതിനു പകരം ഈ മന്ത്രവാദികള്‍ പ്രാകൃതവും, പിന്തിരിപ്പനുമായ അരണി കടഞ്ഞ് വിയര്‍ത്തുകുളിച്ചേ അതിരാത്രത്തിനു തീയ്യുണ്ടാക്കു !!! ഈ ബ്രാഹ്മണ മന്ത്രവാദികള്‍ ചെയ്യുന്ന കോമാളിത്തം എന്തോ പവിത്രമായ കര്‍മ്മമാണെന്ന ധാരണയില്‍ ഇലക്ട്രിക്ക് പോസ്റ്റുപോലെ സമൂഹത്തിലെ [...]

നമ്മുടെ സമൂഹത്തില്‍ ജാതീയത ശക്തിപ്പെട്ടുവരികയാണ്. കിഴവന്മാരായ നായര്‍ ജാതി സംഘടനയുടെ നേതാക്കളേക്കാള്‍ ജാതി ഭ്രാന്ത് ബ്ലോഗിലും ബസ്സിലുമെല്ലാം ഓടിക്കളിക്കുന്ന ചളുമ്പ് പയ്യന്മാര്‍ക്കുണ്ടെന്നത് സമൂഹത്തിനു നല്‍കുന്ന അപകട സൂചനയാണ്. സ്വന്തം ജാതിക്കുനേരെ വരുന്ന വിമര്‍ശനങ്ങളെ ഇല്ലാതാക്കാന്‍തല്ലാനും,കൊല്ലാനും, കണ്ണടിച്ച് പൊട്ടിക്കാനും, അധികാരഗര്‍വ്വില്‍ കേസുകൊടുത്ത് ഒതുക്കാനുമെല്ലാം സാംസ്ക്കാരിക മാധ്യമത്തിനു പുറത്തുവരുമെന്ന് ഭീഷണിപ്പെടുത്താന്‍ ഇവരെ സംസ്ക്കാരം തടയുന്നില്ല. ജാതീയതയുടെ ചാവേറുകളാകാനുള്ള ഔത്സുക്യം പോലും ഇന്റെര്‍ നെറ്റ് മീഡിയത്തില്‍ ഇവര്‍ സംഘബലത്തിന്റെ ദാര്‍ഷ്ട്ര്യത്തില്‍ എഴുതിപ്പിടിപ്പിക്കുന്നു.ഇന്നലെ ബസ്സര്‍ ഹബിയുടെ ഉറുമി പോസ്റ്റില്‍ ചിത്രകാരന്‍ ഒരു കമന്റെഴുതിയിരുന്നു. [...]

കണ്ണൂരില്‍ അത്തായക്കുന്ന് താഴെക്കാവ് പുലയരായ പത്ത് ഇല്ലക്കാരുടെ ഉടമസ്ഥതയിലുള്ള  കാവാണ്. അമ്മ ദൈവമാണ് ഇവിടെ ആരാധിക്കപ്പെടുന്നത്. പുരോഗമന വാദികള്‍ കമ്മ്യൂണിസ്റ്റ് പാര്‍ട്ടിയുടെ പൂണൂലിന്റെ തണലുതേടി പോയതുകാരണം ഈ പുലയരുടെ കാവ് ആര്‍.എസ്.എസിന്റെ ഭരണത്തിലാണെന്നു പറയാം. അവര്‍ കാവിനെ ഭഗവതി ക്ഷേത്രമാക്കിയിരിക്കുന്നു. സ്വര്‍ണ്ണപ്രശ്നങ്ങളിലൂടെ ബ്രാഹ്മണ ആചാര വിശ്വാസങ്ങള്‍ കുത്തിവച്ചുകൊണ്ടിരിക്കുന്നു. പുലയരുടെ ചെണ്ട മേളം. നമ്മുടെ പൊതുവാളന്മാരും, മാരാര്‍മാരും  നൂറ്റാണ്ടുകള്‍ക്കു മുന്‍പ് ഇവരില്‍നിന്നും പുറപ്പെട്ടു പോയവര്‍. തെയ്യങ്ങള്‍ക്ക് തണുപ്പകറ്റാന്‍ … തിയ്യില്‍ കുളിക്കാന്‍…  പുളിമരത്തിന്റെ വിറക് ശേഖരിച്ചു വച്ചിരിക്കുന്നു സ്വര്‍ണ്ണ [...]