Comment jar: കമന്റു ഭരണി

സാഹിത്യ അക്കാദമി അവാര്‍ഡ് എസ്.എം.എസ്സുകള്‍ക്കും ഏര്‍പ്പെടുത്തണം !

ചിത്രകാരന്‍ — Fri, 08 Mar 2013 17:20:30 +0000

ബ്ലോഗെഴുതി തളര്‍ന്നുകൊണ്ടിരിക്കുന്ന ബ്ലോഗര്‍മാരുടെ കുരുന്നു മനസ്സുകളുടെ പ്രചോദനത്തിനും, ആശ്വാസത്തിനുമായി ചോറ്റു പാത്രം, പെന്‍സില്‍ ബോക്സ്,വാട്ടര്‍ ബോട്ടില്‍, വെള്ളം ചീറ്റിക്കുന്ന പോപ്പി കളര്‍ കുടകള്‍ , സോപ്പുപെട്ടി,മെഡലുകള്‍ , ഷീല്‍ഡുകള്‍ , ക്രയോണ്‍സ്, കളറിങ്ങ് ബുക്ക് , മുതലായ സമ്മാനങ്ങള്‍ സര്‍ക്കാര്‍ അവാര്‍ഡുകളായി വാങ്ങി വിതരണം ചെയ്യാനുള്ള ആലോചന എന്തുകൊണ്ടും സ്വാഗതാര്‍ഹമാണെന്ന് ചിത്രകാരനും വിശ്വസിക്കുന്നു. ഭാഗ്യത്തിന് അപേക്ഷ കൊടുക്കുന്നതിന്റെ അടിസ്ഥാനത്തില്‍ മാത്രമേ അവാര്‍ഡുകള്‍ വിതരണം ചെയ്യു എന്ന് ഉത്തരവാദിത്വപ്പെട്ടവര്‍ ആദ്യമേ നിഷ്കര്‍ഷ പുലര്‍ത്തുന്നു എന്നതും സന്തോഷകരമായ കാര്യമാണെന്ന് പറയാതെവയ്യ.

കേരള സാഹിത്യ അക്കാദമിയുടെയും ബ്ലോഗ് ഉടമകളായ നവ വിര്‍ച്ച്വല്‍ സാഹിത്യകാരന്മാരുടേയും തിരുവുള്ളങ്ങളിലേക്ക് ചിത്രകാരന് വിനീതമായി അപേക്ഷിക്കാനുള്ളത് : ബ്ലോഗുകളേക്കാള്‍ വിസ്തൃതവും ജന സംഖ്യയേ കവച്ചുവക്കുന്നതുമായ ബഹുഭൂരിപക്ഷത്തിന്റെ ജനകീയ മാധ്യമമായ മൊബൈല്‍ ഫോണുകളുടെ രോമാഞ്ചമായ എസ്.എം.എസ്സുകള്‍ക്കുകൂടി അര്‍ഹമായ പ്രാതിനിധ്യം കിട്ടുന്നവിധത്തില്‍ അവാര്‍ഡിന്റെ പരിധി വിപുലപ്പെടുത്തണമെന്നതാണ്.

എസ്.എം.എസ്. മെസ്സേജുകള്‍, ട്വിറ്റര്‍ മെസ്സേജുകള്‍, ഫേസ് ബൊക്ക് പോസ്റ്റുകള്‍ , ഓര്‍ക്കുട്ട് , ഗൂഗിള്‍ പ്ലസ്സ് സൃഷ്ടികള്‍ തുടങ്ങിയ മൈക്രോബ്ലോഗുകളെ എല്ലാം ഉള്‍പ്പെടുന്ന തരത്തില്‍ അവാര്‍ഡ് നിര്‍ണ്ണയം നടത്തി, റേഷന്‍ കടകളിലൂടെയും മൊബൈല്‍ റീചാര്‍ജ്ജ് പെട്ടിക്കടകളിലൂടെയും ആവശ്യക്കാര്‍ക്ക് അപേക്ഷ കൊടുക്കുന്നതിന്റെ മുന്‍‌ഗണനാ ക്രമത്തില്‍ സാഹിത്യ അക്കാദമി ബ്ലോഗ് അവര്ര്ഡുകള്‍ വിതരണം ചെയ്യുന്ന ഒരു കിണാശ്ശേരി സ്വപ്നം കാണാന്‍ നമുക്ക് കഴിയട്ടെ .

നവ മാധ്യമമായ ബ്ലോഗിന്റെ ആധാര്‍ കാര്‍ഡിനുവേണ്ടി സാഹിത്യ അക്കാദമിയില്‍ ക്യൂ നില്‍ക്കുന്ന ബ്ലോഗ് ഉടമകള്‍ക്കും നവമാധ്യമ കൊട്ടംചുക്കാദി തൈലമുപയോഗിച്ച് പാരമ്പര്യ സാഹിത്യപ്രതിഭകള്‍ക്ക് വാര്‍ദ്ധക്യ വാചീകരണം സാധ്യമാണോ എന്ന് പരീക്ഷിക്കുന്ന സാഹിത്യ അക്കാദമി ഭാരവാഹികള്‍ക്കും ചിത്രകാരന്‍ അഭിവാദ്യങ്ങളര്‍പ്പിക്കുന്നു.

ചിത്രകാരന്‍ ഈ വിഷയത്തില്‍ രണ്ടു ദിവസം മുന്‍പെഴുതിയ ഒരു പോസ്റ്റിന്റെ ലിങ്ക് : ബ്ലോഗര്‍മാര്‍ക്ക് അവാര്‍ഡും… എണ്ണക്കുരുവും !

ഈ പോസ്റ്റ് നമ്മുടെ ബൂലോകത്തിലെ “ബ്ലോഗെഴുത്തിന് സാഹിത്യ അക്കാദമി അവാര്‍ഡ് – അക്ബര്…” പോസ്റ്റിലെഴുതിയ കമന്റാണ്. അവിടെ എഴുതിയ കമന്റെ അതേപടി കോപ്പി ചെയ്ത് താഴെ പോസ്റ്റുന്നു.( ആവര്‍ത്തനമായതിനാല്‍ വീണ്ടും വായിക്കുന്നതില്‍ കാര്യമില്ല)

ബൂലോകത്തിലെ കമന്റ് :

chithrakaran:ചിത്രകാരന്‍ said…

എസ്.എം.എസ്സുകള്‍ക്കും സാഹിത്യ അക്കാദമി അവാര്‍ഡ് ഏര്‍പ്പെടുത്തണം !

March 8, 2013 at 10:37 PM

നാടിനെ രക്ഷിക്കാന്‍ സ്ത്രീ തന്നെ പൊരുതണം !!

ചിത്രകാരന്‍ — Fri, 08 Mar 2013 11:48:48 +0000

ഇന്ന് ലോക വനിതാദിനം. സമൂഹത്തിലെ പുരുഷ പ്രജകളെയും അവരുടെ കാക്കത്തൊളളായിരം രാഷ്ട്രീയ സാമൂഹിക സംഘടനകളെയും തിന്മ അടിമകളാക്കുമ്പോള്‍ നാടിനെ രക്ഷിക്കേണ്ട ബാധ്യത പ്രബുദ്ധ സ്ത്രീകളുടെ മാത്രം കര്‍ത്തവ്യമായി മാറുന്നതിന്റെ ദ്ദൃഷ്ടാന്തമാണ് പുതിയങ്ങാടി നീരൊഴുക്കുംചാല്‍ കടപ്പുറത്ത് ജസീറ. തന്റെ പറക്കമുറ്റാത്ത മക്കളെ മാത്രം അണിനിരത്തി കടല്‍തീരത്തെ മണല്‍ത്തിട്ടകളെ കടത്തിക്കൊണ്ടുപോകുന്ന മണല്‍ മാഫിയക്കെതിരെ ചെറുത്തുനില്‍പ്പ് നടത്തുന്ന ജസീറ പണത്തിനുമുന്നില്‍ വാലാട്ടുന്ന രാഷ്ട്രീയപ്പാര്‍ട്ടികളുടെ പ്രതിനിധിയല്ല. നമ്മുടെ രാഷ്ട്രീയക്കാര്‍ ചവറ്റുകുട്ടയില്‍ എറിഞ്ഞ നാടിന്റെ നന്മയും സാമൂഹ്യ ബോധവുമായ ശരിയായ രാഷ്ടീയത്തെ മാറോടുചേര്‍ത്തുപിടിച്ച് ഒറ്റയ്ക്കു പൊരുതുകയണ് ഈ വീട്ടമ്മ. തന്റെ കൈക്കുഞ്ഞിനെയും എടുത്ത് മറ്റ് രണ്ട് പെണ്‍കുട്ടികളുടെ കൈ പിടിച്ച് നീരൊഴുക്കും ചാലിലെ മണല്‍ എടുക്കാനെത്തുന്ന ടിപ്പര്‍ ലോറിക്ക് മുന്നിലിരുന്ന് സമരം ചെയ്യുന്ന ജസീറയ്ക്ക് കൂട്ടായുള്ളത് മണലെടുപ്പിനെത്തുടര്‍ന്ന് കടലെടുത്തുകൊണ്ടിരിക്കുന്ന തീരത്തെക്കുറിച്ചുള്ള ആശങ്ക മാത്രം. ജനിച്ച നാട്ടില്‍നിന്നും കുറച്ചുകാലം വിട്ടുനില്‍ക്കേണ്ടി വന്നതിനാല്‍ മാത്രം തിരിച്ചറിയാനായ തീരശോഷണത്തിന്റെ വേഗതയായിരിക്കാം ജസീറയെ പ്രശ്നത്തില്‍ ഇടപെടാന്‍ പ്രേരിപ്പിച്ചിരിക്കുക. തങ്ങളുടെ നാട് നശിപ്പിച്ചു കൊണ്ടാണെങ്കിലും മണല്‍ ഖനനം ചെയ്ത് വില്‍ക്കുന്നത് തൊഴിലാക്കിയ പ്രദേശവാസികള്‍ വെറും അടിമകളെപ്പോലെ തൊഴില്‍ നഷ്ടപ്പെടുന്നതിനെക്കുറിച്ച് മാത്രം വിലപിക്കുമ്പോള്‍ ജസീറ ഒറ്റപ്പെട്ടുപോകുന്നത് സ്വാഭാവികം മാത്രം. ഈ ലോക വനിതാ ദിനത്തില്‍ ഈ വാര്‍ത്ത ചിത്രകാരന്റെ അരികിലേക്കെത്തിച്ച ടി. സൌമ്യയോടും കണ്ണൂര്‍ മാതൃഭൂമിയോടും നന്ദി പറയട്ടെ. ജസീറയുടെ പോരാട്ടത്തിന് സമൂഹത്തിന്റെ നന്മയുടെ മുഴുവന്‍ പിന്തുണയും പത്ര മാധ്യമങ്ങളുടെ പൂര്‍ണ്ണ ശ്രദ്ധയും ലഭിക്കട്ടെ എന്ന് ആശംസിക്കുന്നു.

അബ്‌സ്ട്രക്റ്റ് ചിത്ര രചനയെക്കുറിച്ച്….

ചിത്രകാരന്‍ — Wed, 15 Aug 2012 15:57:01 +0000

അബ്‌സ്ട്രക്റ്റ് ചിത്ര രചന പരീഷണങ്ങളുടെയും അന്വേഷണങ്ങളുടേയും കാലഘട്ടത്തിലെ ചിത്രകലയുടെ സ്വാതന്ത്ര്യ പ്രകടനമാണ്. പ്രിന്റിങ്ങ്, വസ്ത്ര വ്യവസായം, ടൂറിസം, വിഷ്വല്‍ മീഡിയ, കണ്‍സ്യൂമര്‍ മാര്‍ക്കെറ്റിങ്ങ്, അപ്ലേഡ് ആര്‍ട്ട് തുടങ്ങിയ രംഗങ്ങളിലെല്ലം അമൂല്യമായ സംഭാവന നല്‍കിയ അബ്സ്‌ട്രക്റ്റ് ചിത്ര രചനാ പരീക്ഷണങ്ങള്‍ നാം അതിന്റെ ആസ്വാദകരല്ലെങ്കില്‍ കൂടി നമ്മുടെ ജീവിതത്തിലെ നിറ സാന്നിദ്ധ്യമായി പരിലസിക്കുന്നുണ്ട്. ചിത്രകാരന്‍ പൊതുവെ അബ്സ്ട്രക്റ്റ് ചിത്രങ്ങള്‍ വരക്കാറില്ലെങ്കിലും ഇപ്പോള്‍ വരച്ചുകൊണ്ടിരിക്കുന്ന ഫിഗറേറ്റിവ് പെയിന്റിങ്ങില്‍ നിന്നും ഒരു അബ്സ്രാക്റ്റ് ഫ്രേം മൊബൈലില്‍ ക്ലിക്കിയെടുത്ത് പോസ്റ്റ് ചെയ്യുന്നു. അബ്സ്ട്രാക്റ്റും ചിത്രം തന്നെയാണ്. പൂക്കളോ കായ്‌കളോ ഉണ്ടാകാത്തം ചില അലങ്കാര ചെടികളെ നാം പൂച്ചെടികളോടൊപ്പം വളര്‍ത്താറില്ലേ… അതുപോലെ, അബ്സ്ട്രാക്റ്റ് ചിത്രങ്ങളെ നന്നായി ഫ്രേം ചെയ്താല്‍ ഗൃഹാലങ്കാരത്തിന് ഉത്തമമാണെന്നു പറയാം.
(ചിത്രകാരന്റെ പുതിയ പെയിന്റിങ്ങ് നാളെ പൂര്‍ത്തീകരിച്ച് നെറ്റിലേക്ക് പറത്തിവിടാനാകുമെന്ന് കരുതുന്നു.

നമ്മുടെ വിശുദ്ധ മാടമ്പിത്വം !

ചിത്രകാരന്‍ — Tue, 03 Jul 2012 12:01:57 +0000

കമ്മ്യൂണിസം നല്ലതോ ചീത്തയൊ എന്നതല്ല കര്യം.കോണ്‍ഗ്രസ്സോ ലീഗോ എന്താണെന്നതും അപ്രസക്തം. ഈപി ജയരാജന്മാരോ, മണിയോ, ഹംസാക്കയോ, കൊടിയേരിയോ, പിണറായിയോ, കോംങ്ക്രി സിംങ്കം കെ.സുധാകരനോ, ഏറനാട്ടുകാരനായ ബഷീറെന്ന ലീഗുകാരനോ, റജീന ഫൈം കുഞ്ഞാലിയോ, ശൂദ്രന്മാരുടെ ജാതി സംഘടനാ നേതാവായ സുമാരന്‍ നായരോ, ജനപ്രിയ ചാക്യാരായ സാക്ഷാല്‍ വീസ്സോ, കേരള കോണ്‍ഗ്രസ്സ് നായര്‍ ഗ്രൂപ്പ് പാര്‍ട്ടി അധ്യക്ഷനായ പൂജപ്പുര പിള്ളയോ, മോന്‍ ഗണേശന്‍ തംബ്രാനോ പ്രകടമാക്കുന്ന ധാര്‍ഷ്ട്ര്യവും കയ്യൂക്കിന്റെ ഭാഷയും അവരുടെ ഉടമസ്തതയിലുള്ള രാഷ്ട്രീയ പാര്‍ട്ടികളുടെ തിന്മയാണെന്ന് നാം തെറ്റിദ്ധരിക്കേണ്ട തി ല്ല. സത്യത്തില്‍ ഈ പാര്‍ട്ടികളില്‍ അകപ്പെട്ടതുകൊണ്ടെങ്കിലും ഈ കച്ചറ നേതാക്കള്‍ കുറച്ച് നന്നായിപ്പോകേണ്ടതാണ് എന്ന് അത്യാഗ്രഹം പ്രകടിപ്പിക്കുക മാത്രമാണ് നാം ചെയ്യുന്നത്. അതു പോര !!! നമ്മുടെ നേതാക്കളെ കച്ചറകളാക്കുന്നത് നാം പിന്‍ തുടരുന്ന നവീകരിക്കപ്പെടാത്ത സാംസ്ക്കാരിക പൈതൃകം തന്നെയാണ്. ആ സാംസ്ക്കാരികതയുടെ ദുഷിപ്പ് പത്ര മൊതലാളിയും വയനാടു ജില്ലയുടെ ഉടമയുമായ വീരേട്ടന്റെ മുഖത്തും, സാഹിത്യ തറവാട്ടിലെ വെള്ളോടുകൊണ്ട് നിര്‍മ്മിച്ച തുപ്പക്കോളാമ്പിക്കു ചുറ്റുമിരിക്കുന്ന കാരണവന്മാരായ വാസ്വേട്ടന്റേയും, ഞാനപീഠ വിപ്ലവ കവിയുടേയും, പപ്പനാവേട്ടന്റേയും, അഭിനയ മെഗാസൂപ്പര്‍ താരം മമ്മുക്കയുടെയും, ചാനല്‍ മന്ത്രവാദികളായ ബ്രിട്ടാസിന്റേയും, നികേഷിന്റേയും മുഖത്ത് വരെ മാടമ്പി ധാര്‍ഷ്ട്ര്യത്തിന്റെ നിഴലാട്ടം കാണാം. സാംസ്ക്കാരിക നവീകരണം നിലച്ചുപോയതിന്റെ ഒരു വിമ്മിഷ്ടമാണത്. അല്ലാതെ, ഇവരൊന്നും കുറ്റക്കാരാണെന്ന് പറഞ്ഞുകൂട. മൂത്രമൊഴിക്കാനുള്ള നമ്പൂരി ശങ്ക കലശലാകുകയും, ഒഴിക്കാന്‍ മറ്റു വഴിയില്ലാതാകുമ്പോഴുള്ള അവസ്ഥക്കു സമാനമായ സമൂഹത്തിലെ മാലിന്യ ആധിക്യഫലമായുണ്ടാകുന്ന സ്ഥിതിവിശേഷമാണ് നമ്മുടെ സമൂഹം അനുഭവിക്കുന്നത്. നമ്മുടെ ഈ വര്‍ത്തമാന കാലത്തില്‍ പോലും പുരാതനമായ മാടമ്പിത്വ പാരമ്പര്യങ്ങളെ ഗൃഹാതുരതയോടെ അയവിറക്കിയും, കുലിനമായ ആ നല്ലകാലത്തിന്റെ അവകാശികളായി ദുരഭിമാനിച്ചും, പഴമയെ തലോടിയും, താലോലിച്ചും പഴമ ചോര്‍ന്നു പോകാതിരിക്കാന്‍ മൂത്രം പെടുക്കാതെയും, അപ്പിയിടാതെയും പഴയ സാംസ്ക്കാരികതക്കുമുന്നില്‍ തൃപ്പടിദാനം നടത്തി രാജകീയതക്ക് മുന്നില്‍ ഓച്ഛാനിച്ചു നില്‍ക്കുമ്പോള്‍ നമ്മുടെ രാഷ്ട്രീയക്കാര്‍ പഴയ തിരിവിതാം കൂര്‍ നായര്‍ പട്ടാളത്തിന്റെ ഗുണ്ടാപൈതൃകം ഉയര്‍ത്തിപ്പിടിച്ച് നമ്മുടെ പുതിയ ജനാധിപത്യ ബോധത്തിന്റെ മുലക്കച്ച തെരുവില്‍ വച്ചു പിടിച്ചുകീറുന്നത് സ്വാഭാവികം മാത്രമാണ്. മാടമ്പിത്വത്തില്‍ നിന്നും സഹജീവിയുടെ വ്യക്തിത്വത്തേയും, അഭിപ്രായത്തേയും ബഹുമാനിക്കുന്ന ജനാധിപത്യ സാംസ്ക്കാരികതയിലേക്ക് നമ്മുടെ സമൂഹത്തെ പരിവര്‍ത്തിപ്പിക്കുന്നതിനായി നമ്മുടെ കലാ സാഹിത്യ പ്രവര്‍ത്തകരും, പത്ര മാധ്യമങ്ങളും, പത്രപ്രവര്‍ത്തകരും, സാമൂഹ്യ പ്രവര്‍ത്തകരും, രാഷ്ട്രീയ പാര്‍ട്ടികളും നൂറ്റാണ്ടുകളായി നിധിപോലെ കൊണ്ടുനടക്കുന്ന മാടമ്പിത്വ ദുരഭിമാനങ്ങള്‍ അവണക്കെണ്ണയോ എനിമയോ ഉപയോഗിച്ച് വിസര്‍ജ്ജിച്ചു കളയേണ്ടതുണ്ട്.

“ഓഞ്ചിയത്തെ മാനവികതയുടെ പക്ഷി” ചിത്രരചനാമത്സരം

ചിത്രകാരന്‍ — Wed, 16 May 2012 06:15:36 +0000

അഭിപ്രായ സ്വാതന്ത്ര്യത്തിന്റെയും, ധാര്‍മ്മികതയുടേയും, ആദര്‍ശശുദ്ധിയുടേയും, അഹിംസയുടേയും ഒരു ധീര വ്യക്തിത്വം ഓഞ്ചിയത്ത് നിഷ്ഠൂരമായി തെരുവില്‍ കൊലചയ്യപ്പെട്ടപ്പോള്‍ നാം എന്തുചെയ്തു എന്നത് നമ്മുടെ വ്യക്തിത്വത്തിന്റെ ശുദ്ധിയും നൈര്‍മല്യവും മാനവികബോധവും വെളിപ്പെടുത്തുന്ന ചോദ്യമാണ്. നാം ഇന്നനുഭവിക്കുന്ന സ്വാതന്ത്ര്യവും, ജനാധിപത്യവും, സമാധാനവും, സൌകര്യങ്ങളും മാനവികസ്നേഹംവച്ചുപുലര്‍ത്തിയ ഒട്ടേറെ ധീരരായ മനുഷ്യരുടെ സംഭാവനയായി നമുക്കു ലഭിച്ച ഭാഗ്യങ്ങളാണെന്ന് മറക്കരുത്. പുരോഗതിയുടേയും, സമത്വഭാവനയുടെയും സ്വതന്ത്ര പ്രഭാതത്തെ വരവേല്‍ക്കാനായി ഒട്ടേറെ ഇതുപോലുള്ള മനുഷ്യര്‍ വ്യവസ്ഥാപിതവും, ജീര്‍ണ്ണവുമായ സമൂഹത്തിനെതിരെ കലാപക്കൊടിയുയര്‍ത്തിക്കൊണ്ട് വഴിമാറി നടന്നതിന്റെ ഫലമായാണ് സമൂഹം പുരോഗതിയും സ്വാതന്ത്ര്യവും ആര്‍ജ്ജിച്ചത്. നാമിന്ന് അനുഭവിച്ചുകൊണ്ടിരിക്കുന്ന സ്വാതന്ത്ര്യവും, ജനാധിപത്യവും നിലനിര്‍ത്തുന്നതിനും അനുസ്യൂതം നവീകരിക്കുന്നതിനും മാനവികമായ വിശാലവീക്ഷണമുള്ളവരുടെ സുരക്ഷയും, ചിന്തിക്കാനും അഭിപ്രായം പറയാനുമുള്ള സ്വാതന്ത്ര്യവും പരിരക്ഷിക്കപ്പെടേണ്ടതുണ്ട്. അത് ജനങ്ങളുടെ കര്‍ത്തവ്യമാണ്. ആ കര്‍ത്തവ്യം നിറവേറ്റാതിരിക്കുന്നത് അജ്ഞതയും,സ്വാര്‍ത്ഥതയും, അരാഷ്ട്രീയവുമായി മാത്രമേ വിശേഷിപ്പിക്കാനാകു. ഈ ബോധത്തില്‍ നിന്നുകൊണ്ട് “ഓഞ്ചിയത്തെ മാനവികതയുടെ പക്ഷി” കൊല്ലപ്പെട്ടതിനെക്കുറിച്ച് ഒരു ചിത്ര രചനാ മത്സരം നടത്തുന്നതിനെക്കുറിച്ച് സൈബര്‍ മീഡിയയിലെ ക്രിയാത്മകശേഷിയും, ധാര്‍മ്മികതയും, നേതൃത്വപാടവവും ഉള്ള മാനവികബോധമുള്ളവര്‍ മുന്നോട്ടുവരണമെന്ന് ചിത്രകാരന്‍ സ്നേഹപൂര്‍വ്വം അഭ്യര്‍ത്ഥിക്കുന്നു. കുട്ടികള്‍ക്കായി നടത്തുന്ന മത്സരത്തില്‍ കൂടുതല്‍ സമ്മാനങ്ങളും പാര്‍ട്ടിസിപ്പേഷന്‍ സര്‍ട്ടീഫിക്കറ്റുകളും ഉള്‍പ്പെടുത്തി പ്രോത്സാഹിപ്പിക്കുന്ന തരത്തിലായിരിക്കണം മത്സരം സംഘടിപ്പിക്കേണ്ടത്. നെറ്റില്‍ എല്ല ചിത്രങ്ങളും, പ്രദര്‍ശിപ്പിക്കാനും ഏര്‍പ്പാടുണ്ടാക്കാവുന്നതാണ്. കുട്ടികള്‍ക്കുള്ള ഈ മത്സരം കൂടാതെ, വലിയവര്‍ക്കായി ഓഞ്ചിയം വിഷയമാക്കിക്കൊണ്ടുള്ള ചിത്ര രചനയും, കവിത /കഥ രചനയും നടത്തിച്ച് , സൃഷ്ടികള്‍ നെറ്റില്‍ പൊതുവായി പ്രദര്‍ശിപ്പിക്കുകയും ഒറിജിനലിന്റെ കാന്‍‌വാസ്/ കളര്‍ ലേസര്‍ പ്രിന്റുകള്‍ കോഴിക്കോടോ വടകരയിലോ പ്രദര്‍ശിപ്പിക്കുകയും ആകാവുന്നതാണ്. കാരണം, ഇനിയൊരു രാഷ്ട്രീയ കൊലപാതകം നമ്മുടെ സമൂഹത്തില്‍ ഉണ്ടാകരുതെന്ന് നാം ആശിക്കുന്നുണ്ടെങ്കില്‍ സമൂഹ മനസ്സാക്ഷിയില്‍ കൊലക്കത്തിക്കും ബോമ്പിനും ഇടമില്ലെന്ന് നാമോരോരുത്തരും പ്രഖ്യാപിക്കേണ്ടതുണ്ട്. അതിനുള്ള രാഷ്ട്രീയ-സാമൂഹ്യ ബോധം നമുക്കില്ലെങ്കില്‍ സൈബര്‍ മീഡിയയിലെ പാറ്റകാളായി മാത്രമേ നാം നമ്മേ സ്വയം വിലയിരുത്തേണ്ടതുള്ളു. സംഘാടനത്തിനായി ഊര്‍ജ്ജ്യസ്വലതയോടെ സൈബര്‍മീഡിയ പൌരന്മാര്‍ മുന്നോട്ടുവരിക !!

ഫെമിനിസം മഹനീയമോ വര്‍ഗ്ഗീയമോ ?

ചിത്രകാരന്‍ — Thu, 03 May 2012 15:24:49 +0000

ഫെമിനിസം നല്ലതായാലും ചീത്തയായാലും സമൂഹത്തില്‍ ശക്തതമായ സ്വാധീനം ചെലുത്തുന്ന ആശയമായതിനാല്‍ പല വീക്ഷണകോണുകളില്‍ നിന്നുള്ള വിശകലനങ്ങള്‍ നടക്കേണ്ടതുണ്ട്.

ഗൂഗിള്‍ പ്ലസ്സിലും നാലാമിടം പോര്‍ട്ടലിലുമായി കണ്ട പോസ്റ്റിനെത്തുടര്‍ന്ന് ചിത്രകാരനുണ്ടായ ചിന്തകള്‍ താഴെ :

ഫെമിനിസം ക്രിയാത്മകമായ സ്ത്രീകളുടെ സാമൂഹ്യ-രാഷ്ട്രീയ കൂട്ടായ്മകളാണെങ്കില്‍ നല്ലതുതന്നെ. എന്നാല്‍, ഫെമിനിസം സ്ത്രീ വര്‍ഗ്ഗീയവാദത്തിന്റെ ഭ്രാന്തുമാത്രമായുള്ള യുദ്ധോത്സുകതയാണെങ്കില്‍ അടുത്ത ബന്ധുക്കള്‍/സുഹൃത്തുക്ക്ക്കള്‍ ഇടപെട്ട് വിദഗ്ദരായ മനോരോഗ ഡോക്റ്ററുടെ ഉപദേശപ്രകാരമുള്ള ടെന്‍ഷന്‍ കുറക്കാനുള്ള ചികിത്സ തേടുന്നത് നന്നായിരിക്കും. വഴിയില്‍ കാണുന്നവരെയെല്ലാം മെയില്‍ ഷോവനിസ്റ്റ് പിഗ്ഗാക്കിമാറ്റാന്‍ നടക്കുന്ന ഫെമിനിസ്റ്റ് പിഗ്ഗിണികളായ സംശയരോഗികളെ സമൂഹത്തില്‍ ഇപ്പോള്‍ സുലഭമായി കാണാനാകുന്നുണ്ട്. സ്ത്രീകളുടെ പ്രശ്നമായതിനാല്‍ എവിടെ തൊട്ടാലും പീഢനാരോപണവും പിഗ്ഗു വിളിയും ഉയരുമെന്നുള്ളതിനാല്‍ ആണുങ്ങള്‍ പൈങ്കിളി നോവല്‍ വായിക്കുന്ന ഹരത്തോടെ കണ്ടു നില്‍ക്കാനാണ് സാധ്യത സാമൂഹ്യ തിന്മകള്‍ നിവാരണം ചെയ്യാനായി ശക്തിമാന്‍, സൂപ്പര്‍ മാന്‍, ഡിങ്കന്‍ കാര്‍ട്ടൂണുകള്‍ എന്നിവ കണ്ട് ആശ്വസിക്കുന്നതുപോലെയാണ് സ്ത്രീ വര്‍ഗീയതയുടെ ഫെമിനിസ്റ്റ് സ്വപ്നങ്ങള്‍ നല്‍കുന്ന സുഖം. അനീതി, അസമത്വം, വിവേചനം തുടങ്ങിയ അവസ്ഥകള്‍ നേരിടുന്നത് അധികാര സ്ഥാനങ്ങളില്‍ നിന്നും അകന്നു നില്‍ക്കുന്ന വ്യക്തികളും, ജാതി- മത- ആചാരങ്ങളുടെ അടിമത്വത്തിനകത്തുള്ളവരുമാണ്. ശരിയായ അര്‍ത്ഥത്തിലുള്ള ജനാധിപത്യ രാഷ്ട്രീയ ബോധം, അല്ലെങ്കില്‍ വ്യക്തിയുടെ ആത്മാഭിമാനം ശക്തിപ്പെട്ടാല്‍ ഈ സ്ഥാപനങ്ങളെല്ലാം താനെ ഇല്ലാതാകേണ്ടിവരും. മതങ്ങളും പൌരോഹിത്യവും ഭരണകൂടവുമാണ് അസമത്വത്തിന്റെയും അനീതിയുടെയും വിതരണക്കാര്‍. അതിനെ സാംസ്ക്കാരികമാര്‍ഗ്ഗത്തിലൂടെ നശിപ്പിച്ച് ജനാധിപത്യം സ്ഥാപിക്കുന്നതിനു പകരം കൂടെക്കിടക്കുന്ന ഭര്‍ത്താവിനേയും, കൂടെപ്പിറന്ന സഹോദരനേയും, ജന്മം നല്‍കിയ അച്ഛനേയും, വല്ലതും മിണ്ടിപ്പറയാനുള്ള സഹപ്രവര്‍ത്തകനേയും പീഢകരക്കിയും, മെയില്‍ ഷോവനിസ്റ്റ് പിഗ്ഗുകളാക്കിയും സ്ത്രീ വര്‍ഗ്ഗീയ ഭ്രാന്തിനു മുതിരുന്നതിനു പകരം, ക്രിയാത്മകമായി ചിന്തിക്കാന്‍ നമ്മുടെ ഫെമിനിസ്റ്റുകള്‍ക്ക് സാധിക്കുകയാണെങ്കില്‍ നന്നായേനെ !!! നമ്മുടെ കൃസ്ത്യന്‍ പള്ളികളില്‍ ദേവദാസികളായി മാനസികമായും ലൈഗീകമായും പീഢിപ്പിക്കപ്പെടുന്ന കന്യാസ്ത്രീകളുടെ മാനുഷിക അവകാശത്തിനായി … നമ്മുടെ ഹോസ്പിറ്റലുകളില്‍ നാല്‍ക്കാലികളെപ്പോലെ പണിയെടുപ്പിക്കുന്ന ഭരണക്കാരുടെ ഓമനകളായ ഫൈവ് സ്റ്റാര്‍ ആശുപത്രി മാനേജുമെന്റുകള്‍ക്കെതിരെ….ജീവനുള്ള സ്ത്രീകളെ കായക്കൊലപോലെ കറുത്ത പര്‍ദ്ദയില്‍ പൊതിഞ്ഞ് കൊണ്ടു നടക്കുന്ന ഇസ്ലാമിക മത ഭ്രാന്തന്മാര്‍ക്കെതിരെ…. ഫെമിനിസ്റ്റുകള്‍ മുന്നോട്ടു വരികയാണെങ്കില്‍ അതില്‍ കാര്യമുണ്ട്. അടുക്കളയില്‍ തേങ്ങ ചുരണ്ടി തീരുന്ന ജീവിതം, കുട്ടികളെ പ്രസവിച്ചും, വളര്‍ത്തിയും നഷ്ടപ്പെടുന്ന ജീവിതം, പ്രതിഫലം വാങ്ങാതെ ഭര്‍ത്താവിനു ലൈഗീക സേവനം നല്‍കി വിലയില്ലാതായിത്തീരുന്ന ജീവിതം, … തുടങ്ങിയ സ്വയം തീരുമാനങ്ങളെടുക്കാവുന്ന സ്വകാര്യ പ്രശ്നങ്ങളുടെ ദാംബത്യ വേസ്റ്റ് പ്ലാസ്റ്റിക് കവറിലാക്കി പൊതുസ്ഥലങ്ങളിലും, അന്യന്റെ പുരയിടത്തിലും വലിച്ചെറിഞ്ഞ് കാക്കകളേയും, കുറുക്കന്മാരേയും വിളിച്ചു വരുത്തി ചിക്കി ചികഞ്ഞ് ഫെമിനിസ്റ്റ് അവകാശങ്ങള്‍ എന്ന പേരില്‍ എന്തോ നേടിയെടുക്കുന്നെന്നു കരുതുന്ന വ്യക്തിത്വങ്ങളെക്കുറിച്ച് ആണായാലും പെണ്ണായാലും ചിത്രകാരനു പ്രതീക്ഷയില്ല.

ഗൂഗിള്‍ പ്ലസ്സിലെ പോസ്റ്റിന്റെ ലിങ്ക്

ഫെമിനിസം ‘തെറി വാക്കാ’യതെങ്ങനെ? »

ഫെമിനിസം എന്ന ബ്രാന്റും കേരള സ്ത്രീത്വത്തിന്റെ “ഫാവിയും”

ഫെമിനിസത്തെ ഭയക്കുന്നതെന്തിന്?

ഞാന്‍ ആരുടെയും പെങ്ങളല്ല

>ഫെമിനിസ്റ്റെന്ന നിലയില്‍ എന്റെ ജീവിതം

ആരാണ് അവര്‍ണ്ണന്‍ ? ഗൂഗിള്‍ പ്ലസ്സിലെ ചര്‍ച്ച

ചിത്രകാരന്‍ — Tue, 01 May 2012 16:32:53 +0000

ഗൂഗിള്‍ പ്ലസ്സില്‍ കണ്ട ഒരു പോസ്റ്റില്‍ ചിത്രകാരന്‍ എഴുതിയ കമന്റ് താഴെ പോസ്റ്റായി സൂക്ഷിക്കുകയാണ്. സവര്‍ണ്ണതയുടെ ദുര്‍ഗന്ധം കാലക്രമത്തില്‍ ഇന്ത്യയില്‍ സുഗന്ധമായി വാഴ്ത്തപ്പെടുന്ന അധികാരത്തിന്റേയും സ്ഥാനമാനങ്ങളുടെയും ചിഹ്നം കൂടിയാണ് എന്നതിനാല്‍ സത്യം ആര്‍ക്കും മനസ്സിലാകുമെന്ന് പ്രതീക്ഷയില്ലെങ്കിലും. സത്യം രേഖപ്പെടുത്തി പൊകുക എന്നത് കാലത്തോടും സമൂഹത്തോടുമുള്ള കടപ്പാടിന്റെ പേരില്‍ എഴുതിയതാണ്. താല്‍പ്പര്യമുള്ളവര്‍ എന്നെങ്കിലും വായിച്ചു മനസ്സിലാക്കട്ടെ ഗൂഗിള്‍ പ്ലസ്സിലെ പോസ്റ്റിലേക്കുള്ള ലിങ്ക് : ആരാണ് അവര്‍ണ്ണന്‍ ?

ആരാണ് അവര്‍ണ്ണന്‍ ? …. സത്യത്തില്‍ നമ്മുടെ രാഷ്ട്രീയം ആ അറിവില്‍ നിന്നുമായിരുന്നു ജനിക്കേണ്ടിയിരുന്നത്. സഹതാപത്തോടെ പറയട്ടെ, നമുക്ക് ഇല്ലാത്ത അറിവ് അതുമാത്രമാണുതാനും. അതുകൊണ്ടുതന്നെ നമ്മുടെ രാഷ്ട്രീയ കക്ഷികളും, വിവിധ ജാതി മത സംഘടനകളും എല്ലാം തന്നെ സവര്‍ണ്ണതയുടെ വ്യത്യസ്ത സാന്ദ്രതാവ്യത്യാസങ്ങള്‍ മാത്രമുള്ള തന്തയില്ല പ്രസ്ഥാനങ്ങളായി രാജ്യത്തെ ജീര്‍ണ്ണിപ്പിക്കുന്ന , നശിപ്പിക്കുന്ന കൂട്ടിക്കൊടുപ്പുകാരായിത്തീരുന്നു. നമ്മുടെ ചരിത്രത്തില്‍ വളരെ വ്യക്തമായി വായിച്ചെടുക്കാവുന്ന അറിവാണ് അവര്‍ണ്ണത എന്താണെന്ന്. എന്നാല്‍ നാം അതു മാത്രം പഠിക്കില്ല. കാരണം, അവര്‍ണ്ണത വളരെ മോശമാണെന്ന മുന്‍ വിധിയോടെ മാത്രമേ ഇന്ത്യയില്‍ ആര്‍ക്കും ജനിക്കാനാകു എന്നതാണ് സത്യം. സവര്‍ണ്ണതയാണ് നല്ലത്. … സവര്‍ണ്ണത മാത്രമാണ് നല്ലത് ഇന്ത്യ നിറഞ്ഞുനില്‍ക്കുന്ന ആ പൊതുബോധം അങ്ങനെയൊന്നും തകര്‍ക്കാനാകില്ല. ഈ പോസ്റ്റെഴുതിയിരിക്കുന്ന പ്ലസ്സര്‍ തന്നെ അവര്‍ണ്ണതയുടെ സവര്‍ണ്ണ ബോധം തെളിവായി ചൂണ്ടിക്കാട്ടി, അവര്‍ണ്ണതയും മെച്ചമല്ലെന്ന് സ്ഥാപിക്കുന്നതു കാണാം. നാം വാക്കുകളുടെ അര്‍ത്ഥത്തിനോ, ആ വാക്കുകള്‍ താണ്ടിയ ചരിത്രത്തിന്റെ സഹസ്രാബ്ദങ്ങള്‍ നീണ്ട ചരിത്രത്തിനോ ഒരു പ്രാധാന്യവും നല്‍കുന്നില്ലെന്നതിന്റെ ദുരന്തമാണത്. മുസ്ലീമായാലും കൃസ്ത്യാനിയായാലും ഇന്ത്യയില്‍ അവരുടെ പൈതൃകം അവര്‍ണ്ണമാണ്. അവര്‍ണ്ണത മഹനീയമായ ചരിത്രമുള്ള വാക്കാണെന്ന് തിരിച്ചറിയാനായാല്‍ ഇന്ത്യക്കാരന്റെ തന്തയില്ലായ്മ പരിഹരിക്കപ്പെടും. ബ്രാഹ്മണനും അവന്റെ അടിമയായിരുന്ന ശൂദ്രനും മാത്രം ഉള്‍ക്കൊള്ളുന്ന ഒരു വി.ഐ.പി ക്ലബ്ബായാണ് സവര്‍ണ്ണത ഏതാണ്ട് 1600 വര്‍ഷങ്ങള്‍ക്കു മുന്‍പ് ഇന്ത്യന്‍ ഉപഭൂഖണ്ഡത്തില്‍ പ്രചരിപ്പിക്കപ്പെടുന്നത്. ഇന്ത്യന്‍ ജന സംഖ്യയുടെ 5%പോലുമില്ലാത്ത ഈ ക്ലബ് ദേവലോകത്തുനിന്നും ഗോത്രമുഖ്യന്മാരുടെ കിടപ്പറകളില്‍ നിന്നും ഉര്‍‌വശി,രംഭ,തിലോത്തമ, മോഹിനി തുടങ്ങിയ മസാലദോശകള്‍ വ്യാപകമായി ധനികര്‍ക്കും, രാജാക്കന്മാര്‍ക്കും വിതരണം ചെയ്ത് ഉണ്ടാക്കിയെടുത്ത പളപളപ്പുള്ള ബ്രാന്‍ഡ് ഇമേജ് മാത്രമാണ് സവര്‍ണ്ണത. ഈ അധാര്‍മ്മികതയെ എതിര്‍ത്തിരുന്ന 95% ധര്‍മ്മിഷ്ടരായിരുന്ന ജനത്തെയാണ് ബ്രാഹ്മണന്റെ ജാതി വ്യവസ്ഥയായ സവര്‍ണ്ണതയെ അനുകൂലിക്കാത്തതിന്റെ പേരില്‍ അവര്‍ണ്ണരെന്നു വിളിക്കുന്നത്. ആ അവര്‍ണ്ണതയെയാണ് ഒരു ജാതിയായി നമ്മുടെ വിവരക്കേട് തെറ്റിദ്ധരിക്കുന്നത് !

ചിത്രകാരന്‍.കോം ഉദ്ഘാടനം !

ചിത്രകാരന്‍ — Sun, 22 Apr 2012 11:27:46 +0000

കുമാരന്‍,ചിത്രകാരന്‍,വിജേഷ് ചാക്ക്, മുജീബ്, വിദു ചോപ്ര, മനോജ് എന്നിവര്‍

വിജേഷ് ചാക്ക്, ബയാന്‍, കുമാരന്‍, ചിത്രകാരന്‍, മുജീബ്, വിദു ചോപ്ര…

ഇന്നു രാവിലെ 11.30 ന് ചിത്രകാരന്റെ പുതിയ വെബ്‌സൈറ്റായ ചിത്രകാരന്‍ . കോം ബ്ലോഗ് സുഹൃത്തുക്കളുടെ മഹനീയ സാന്നിദ്ധ്യത്തില്‍ ആരംഭിച്ചതായി എല്ലാ അഭ്യുദയ കാംക്ഷികളേയും സസന്തോഷം അറിയിച്ചുകൊള്ളുന്നു. കണ്ണൂരിലെ പാര്‍ക്കന്‍സ് ഓഡിറ്റോറിയത്തില്‍ ഒരുമിച്ചുകൂടിയ കണ്ണൂരിലെ പ്രമുഖ ബ്ലോഗര്‍മാരുടെ സാന്നിദ്ധ്യത്തില്‍ സ്ഥലത്തെ ചുമട്ടു തൊഴിലാളിയായ മുജീബ് ചിത്രകാരന്‍.കോം വെബ് തുറന്നുകൊണ്ട് ഉദ്ഘാടിച്ചു. മുജീബിനെക്കുറിച്ചുള്ള കുറിപ്പും ഫോട്ടോയും (മുജീബ് – അദ്ധ്വാനത്തിന്റെ ഒരു മികച്ച മാതൃക !)പോസ്റ്റായി പബ്ലിഷ് ചെയ്തുകൊണ്ടായിരുന്നു ചിത്രകാരന്‍ വെബ്ബാരംഭം കുറിച്ചത്. ചിത്രകാരന്റെ നിലവിലുള്ള ബ്ലോഗു പോസ്റ്റുകളുടെ ശേഖരവും ഫേസ്‌ബുക്കിലേക്കുള്ള സ്ട്രീമിങ്ങ് വിന്‍ഡോ സഹിതമുള്ള സൌകര്യങ്ങളും എല്ലാം കൂട്ടിച്ചേര്‍ത്തുള്ള ചിത്രകാരന്‍ . കോം വായനക്കാര്‍ക്ക് ചിത്രകാരന്റെ ഏറ്റവും പുതിയ പോസ്റ്റുകളില്‍ വേഗത്തിലും അനായാസവും എത്തിച്ചേരാന്‍ സഹായിക്കുമെന്ന് കരുതുന്നു. മാത്രമല്ല,സൌജന്യ ബ്ലോഗ് സേവനദാതാക്കള്‍ ബ്ലോഗ് ഡിലിറ്റുകയോ ബ്ലോക്കുകയോ ചെയ്യുമെന്ന ഭയമില്ലാതെ പോസ്റ്റുകള്‍ സൂക്ഷിക്കാമെന്ന സൌകര്യവുമുണ്ട്. ബ്ലോഗര്‍മാരായ കുമാരന്‍, ബയാന്‍, വിദു ചോപ്ര, മനോജ് (ലുട്ടു), പ്ലസ്സര്‍ വിജേഷ് ചാക്ക് എന്നിവര്‍ പങ്കെടുത്തു. ഈ വെബ് സൈറ്റ് ഡിസൈന്‍ ചെയ്തതും, മറ്റു സാങ്കെതിക സഹായങ്ങള്‍ നല്‍കി സൌകര്യപ്പെടുത്തിയതും മനോജാണ്. എല്ലാവര്‍ക്കും ചിത്രകാരന്റെ സ്നേഹം നിറഞ്ഞ നന്ദി അറിയിച്ചുകൊള്ളുന്നു.

ചിത്രകാരന്റെ പുതിയ വെബ് സൈറ്റിലേക്കുള്ള അഡ്രസ്സ്: ചിത്രകാരന്‍ . കോം (http://chithrakaran.com). ഇതൊരു പടിപ്പുരയാണ്. ഈ വെബ്ബ് പേജില്‍ നിന്നും ചിത്രങ്ങള്‍, ചിത്രകാരന്‍, കമന്റു ഭരണി എന്നീ ബ്ലോഗുകളില്‍ എത്തിച്ചേരാവുന്ന ലിങ്കുകളുണ്ട്. വെബ് ഉദ്ഘാടനത്തിനായി എഴുതിയ പോസ്റ്റിന്റെ ലിങ്ക് : മുജീബ് – അദ്ധ്വാനത്തിന്റെ ഒരു മികച്ച മാതൃക !

മുജീബ്- ഒരു വര്‍ഷം മുന്‍പ് വാങ്ങിയ തന്റെ ഓട്ടോക്കൊപ്പം

പാതിരിമാരുടെ അന്തപ്പുരങ്ങളായ കന്യാസ്ത്രീമഠങ്ങള്‍ !

ചിത്രകാരന്‍ — Fri, 20 Apr 2012 15:54:13 +0000

ഒച്ചപ്പാടുകള്‍ എന്ന ബ്ലോഗില്‍ നേര്‍ച്ച കന്യകള്‍ എന്നൊരു പോസ്റ്റ് വായിച്ചു. സാമൂഹ്യമായ ഇടപെടലുകള്‍ ആവശ്യമായതുമായ സ്ത്രീ പീഢനപരമ്പരകളും, ചൂഷണങ്ങളും, ശാരീരിക മാനസിക ദ്രോഹങ്ങളുമാണ് കന്യാസ്ത്രീ മഠങ്ങളില്‍ നടന്നുകൊണ്ടിരിക്കുന്ന അനുഭവ സാക്ഷ്യമാണ് ജിഷ എലിസബത്തിന്റെ ഈ പോസ്റ്റ് മലയാളി സമൂഹത്തോട് പങ്കുവക്കുന്നത്. നരാധമന്മാരായ സഭാഭരണാതികാരികളേയും പുരോഹിത ഹിംസ്ര ജന്തുക്കളേയും അവരുടെ ഏറ്റവും ഹീനമായ തനിസ്വരൂപത്തില്‍ ജനങ്ങള്‍ക്കുമുന്നില്‍ എത്തിക്കുന്നതില്‍ മാനവികമായ സംഭാവനതന്നെ സ്വന്തം ജീവന്‍ പണയംവച്ചുകൊണ്ട് സ്ത്രീകള്‍ നടത്തുമ്പോള്‍ അവരെ നമിക്കാനും, അവര്‍ക്ക് ധാര്‍മ്മിക പിന്തുണ നല്‍കാനും നമുക്ക് ബാധ്യതയുണ്ട്.

ചിത്രകാരന്‍ ആ പോസ്റ്റിലെഴുതിയ കമന്റ് താഴെ സൂക്ഷിക്കുന്നു. chithrakaran:ചിത്രകാരന്‍Apr 13, 2012 07:33 AM

ഇതുപോലുള്ള തീഷ്ണാനുഭവങ്ങളുള്ള കന്യാമഠങ്ങളിലെ സഭയുടെ ചൂഷണത്തിനിരയാകുന്ന സ്ത്രീകള്‍ ധാരാളമായി മുന്നോട്ടു വരേണ്ടതുണ്ട്. കന്യാസ്ത്രീകളെ തലക്കടിച്ച് കിണറ്റിലും വെള്ളടാങ്കിലുമെറിയുന്ന അരമനകളിലെ നികൃഷ്ട പുരോഹിതരേയും അവര്‍ക്ക് സംരക്ഷണം നല്‍കുന്ന സഭയേയും കൃസ്ത്യാനികള്‍ കൃസ്തുവിന്റെ പേരില്‍ സംഘടിക്കേണ്ടിയിരിക്കുന്നു. ഇത്തരം അനുഭവ കഥകള്‍ ധാരാളമായി പ്രസിദ്ധീകരിക്കാനും, സഭയുടെ അടിമത്വത്തിന്റെ ചുമര്‍ തകര്‍ത്തു പുറത്തു വരുന്നവര്‍ക്ക് ബഹുമാനവും, ആദരവും, തൊഴിലും നല്‍കി സഹായിക്കാന്‍ കന്യാസ്ത്രീകളുടെ മാതാപിതാക്കളുടെ സംഘടന രൂപീകരിക്കുകയും ചെയ്യേണ്ടിയിരിക്കുന്നു.ഈ പോസ്റ്റിന് ചിത്രകാരന്റെ സ്നേഹാഭിവാദ്യങ്ങള്‍ !!!

സ്വന്തം പ്രസവവും വീഡിയോ ആല്‍ബമാക്കാം !

ചിത്രകാരന്‍ — Tue, 21 Feb 2012 08:10:00 +0000

സത്യം കാണാന്‍ ആഗ്രഹിക്കാത്തവര്‍ ഈ പോസ്റ്റ് വായിക്കരുത്, കാണരുത് !!ആടിന്റേയും പശുവിന്റേയും ആനയുടേയും പ്രസവം നാം കാണാറുണ്ട്.മനുഷ്യനും അതുപോലുള്ള
ഒരു സസ്തനിയായതിനാല്‍ മനുഷ്യരും പ്രസവത്തിലൂടെത്തന്നെയാണ് വംശം നിലനിര്‍ത്തുന്നത്. എന്നാല്‍ മനുഷ്യ പ്രസവം സാധാരണ ഗതിയില്‍ നമുക്ക് കാണാനും അറിയാനുമുള്ള സാധ്യതകളില്ലാത്തതിനാല്‍ പ്രസവത്തെക്കുറിച്ചും, പ്രസവ വേദനയെക്കുറിച്ചും ഊഹാപോഹങ്ങളാണ് നമ്മുടെ അറിവുകള്‍. ശാസ്ത്രത്തിന്റേയും, ഇന്റെര്‍നെറ്റിന്റേയും വളര്‍ച്ചയുടെ ഫലമായും, പശ്ചാത്യരായ പ്രബുദ്ധ ജനതയുടെ സത്യാഭിമുഖ്യത്തിന്റേയും, ശാസ്ത്രബോധത്തിന്റെ ഫലമായും പ്രസവം ജീവിതത്തിന്റെ മറ്റേത് സന്ദര്‍ഭത്തേയും പോലെ നോക്കിക്കാണാനും സ്ത്രീയുടെ സ്വകാര്യ പ്രശ്നമായിമാത്രം വിലയിരുത്തപ്പെടാതിരിക്കാനും ജീവിതത്തിന്റെ ഏറ്റവും ധന്യ മുഹൂര്‍ത്തമായി വീഡിയോയില്‍ രേഖപ്പെടുത്തി സൂക്ഷിക്കാനും, അനുഭവമായി പങ്കുവക്കാനും ആരംഭിച്ചിരിക്കുന്നു. വിജ്ഞാന സമുദ്രമായ ഇന്റെര്‍നെറ്റില്‍ പ്രസവ സംബന്ധിയായ ധാരാളം വീഡിയോകള്‍ മാനവികതക്കായുള്ള സംഭാവനയായിത്തന്നെ അമ്മമാര്‍തന്നെ അപ്ലോഡ് ചെയ്തതായി കാണാനാകും. പ്രസവത്തെക്കുറിച്ചുള്ള ഭയം ഇല്ലാതാക്കാനും, പ്രസവത്തിന്റെ ഏറ്റവും ആധുനികമായതും നൈസര്‍ഗീകമായതുമായ ശാസ്ത്രീയമാര്‍ഗ്ഗങ്ങള്‍ പ്രചരിക്കുന്നതിനും സഹായിക്കുന്ന ഈ വീഡിയോ ചിത്രങ്ങള്‍ ക്യാമറാഫോണുമായി ലേബര്‍ റൂമുകളിലും, ടോയ്ലറ്റിലും, ബെഡ്‌റൂമിലും ജേണലിസ്റ്റുകളും സിനിമാസംവിധായകരുമാകാന്‍ പതുങ്ങി നടക്കുന്ന ബോധ ദാരിദ്ര്യമനുഭവിക്കുന്ന മലയാളികള്‍ക്ക് മനസ്സു വികസിക്കാന്‍ ഉപയോഗപ്പെടുത്താവുന്നാതുമാണ്.
സ്ത്രീയുടെ കൈവശം തട്ടിപ്പറിച്ചെടുക്കാവുന്ന എന്തോ അമൂല്യ നിധിയുണ്ടെന്ന തെറ്റിദ്ധാരണയില്‍ മോഷ്ടാക്കളെപ്പോലെ പീഢനാവസരങ്ങള്‍ക്കായി തക്കം പാര്‍ത്തിരിക്കുന്ന പുരുഷന്മാരെ ഇത്തരം വസ്തുതാപരമായ വീഡിയോകള്‍ ധാരാളമായി കാണിച്ച് മനുഷ്യത്വത്തിലേക്കും സാംസ്ക്കാരികതയിലേക്കും തിരിച്ചുകൊണ്ടുവരാനും, ഭര്‍ത്താക്കന്മാര്‍ക്ക് പ്രസവ സമയത്ത് ഭാര്യമാരോടൊത്തിരിക്കാനും, തന്റെ ഇണയോടും സാന്തതിയോടും കൂടുതല്‍ ഉത്തരവാദിത്വം ജനിപ്പിക്കുന്നതിനും ഈ വീഡിയോയില്‍ കാണുന്ന തരത്തിലുള്ള പ്രസവാനുഭവങ്ങള്‍ ഉപകരിച്ചേക്കും.
അതിനു പുറമേ, വിവാഹം പോലെ ഭാവിയില്‍ പ്രസവത്തിന്റെ വീഡിയോ ചിത്രീകരണം ഒരു ഒഴിച്ചുകൂടാനാകാത്ത ആവശ്യമാകാനും, പ്രസവും ഒരു ആഘോഷവേളയയി അനുഭവപ്പെടാനും, കുട്ടികാള്‍ക്ക് തന്റെ ജന്മ മുഹൂര്‍ത്തം അമൂല്യമായ തെളിവായി സൂക്ഷിക്കാനും, മാതാ പിതാക്കളെ കൂടുതല്‍ യാഥാര്‍ത്ഥ്യബോധത്തോടെ സ്നേഹിക്കാനും ഈ സംസ്ക്കാരം വളരേണ്ടതുണ്ട്. സാധാരണ പ്രസവത്തെക്കുറിച്ചും, സിസേറിയനെക്കുറിച്ചും കൂടുതലായി മനസ്സിലാക്കാന്‍ ഡോ.ബ്രൈറ്റ് മനോജിന്റെ പോസ്റ്റ് തീര്‍ച്ചയായും വായിച്ചിരിക്കണം.

വിളപ്പില്‍ശാലയിലെ ജനങ്ങള്‍ക്ക് അഭിവാദ്യങ്ങള്‍ !!!

ചിത്രകാരന്‍ — Tue, 14 Feb 2012 04:00:00 +0000

നേഴ്സുമാരെ അടിമകളെപ്പോലെ ചൂഷണം ചെയ്യുന്ന ആശുപത്രി മാനേജുമെന്റുകള്‍ക്കെതിരെ നടക്കുന്ന സമരവും, സ്വന്തം മലം പോലുള്ള മാലിന്യങ്ങള്‍ അന്യരുടെ തോളില്‍ വച്ചുകെട്ടാനുള്ള നഗരവാസികളുടെ അധമമൂല്യബോധത്തിനെതിരായുള്ള സമരങ്ങളും നമ്മുടെ ജനാധിപത്യത്തിന്റെ വികാസ പരിണാമത്തിലെ സ്വയമ്പര്യാപ്തമായ രാഷ്ട്രീയബോധത്തിലേക്കുള്ള ചുവടുവയ്പ്പുകളായി കണ്ട് അഭിനന്ദിക്കാന്‍ എല്ലാ ജനാധിപത്യ വിശ്വാസികള്‍ക്കും ധാര്‍മ്മിക ബാധ്യതയുണ്ട്.ജനവിരുദ്ധവും നിയമവിരുദ്ധവുമായ കോടതി വിധികളുടേയും ഭരണത്തിന്റെ ഓത്താശയുടെയും നിഴലില്‍ തിരുവനന്തപുരം നഗരമാലിന്യം വിളപ്പില്‍ശാലയിലേക്ക് ബലം പ്രയോഗിച്ച് കൊണ്ടുതള്ളാനുള്ള നഗരസഭയുടെ ശ്രമം വിളപ്പില്‍ശാലയിലെ ജനങ്ങള്‍ ഇന്നലെ ഒറ്റക്കെട്ടായി ചെറുത്തു തോല്‍പ്പിച്ച രംഗം അത്യുജ്ജ്വലമായ പൌരബോധത്തിന്റേയും ആത്മാഭിമാനത്തിന്റേയും ജനാധിപത്യവിശ്വാസത്തിന്റെയും വികാസമായി ചിത്രകാരന്‍ നോക്കിക്കാണുന്നു. വിളപ്പില്‍ശാലയുടെ ധീരരായ ജനങ്ങളോടും അവരുടെ ശക്തയായ പഞ്ചായത്തു പ്രസിഡന്റിനോടും കേരളത്തിലെ ജനങ്ങല്‍ കടപ്പെട്ടിരിക്കുന്നു. നമ്മുടെ മുഖ്യമന്ത്രി ഉമ്മഞ്ചാണ്ടിയും നമ്മുടെ (?)പ്രധാനമന്ത്രിയായ മന്മോഹന്‍ സിങ്ങും വിളപ്പില്‍ശാലയുടെ ധീരയായ വനിതാപ്രസിഡന്റിനെ കണ്ട് എന്താണു ജനാധിപത്യത്തില്‍ ഒരു ഭരണാധികാരിക്കുള്ള ഉത്തരവാദിത്വബോധം എന്ന് കണ്ട് പഠിക്കേണ്ടിയിരിക്കുന്നു. കോടതിവിധിയെന്നു കേട്ടാല്‍ ഓച്ഛാനിച്ചു ചൂളി നില്‍ക്കുന്ന നമ്മുടെ രാഷ്ട്രീയ നേതാക്കളും ഭരണ കാസേരയില്‍ അമര്‍ന്നിരിക്കുന്ന പൃഷ്ഠങ്ങളും വിളപ്പില്‍ ശാല പഞ്ചായത്തു പ്രസിഡന്റിനുമുന്നില്‍ ആത്മാഭിമാനത്തിന്റെ കാര്യത്തിലും കര്‍ത്തവ്യബോധത്തിന്റെ കാര്യത്തിലും എത്ര നിസാരരാണെന്ന് നാം തിരിച്ചറിഞ്ഞുതുടങ്ങിയിരിക്കുന്നു. തിരുവനന്തപുരത്തെ വേസ്റ്റ് തങ്ങളുടെ ഗ്രാമത്തില്‍ കൊണ്ടുവന്ന് തള്ളരുതെന്ന് വിളപ്പില്‍ ശാലയിലെ പഞ്ചായത്ത് വിലക്കിയാല്‍ പിന്നെ ആര്‍ക്കാണ് നഗരത്തിന്റെ മാലിന്യവണ്ടികളില്‍ നഗരത്തിന്റെ തീട്ടം ആ ഗ്രാമത്തില്‍ കൊണ്ടിടണമെന്ന് നിര്‍ബന്ധിക്കാനുള്ള അധികാരം!!! ഇതെന്താ മാടമ്പി രാജഭരണമോ ???ജനാധിപത്യവിരുദ്ധമായ ഈ ഭരണഭീകരതക്കെതിരെ കേരളത്തില്‍ വന്‍ ജനകീയമുന്നേറ്റങ്ങള്‍ ഉണ്ടാകേണ്ടത് ജനാധിപത്യത്തിന്റേയും സ്വാതന്ത്ര്യത്തിന്റെയും പൌരബോധത്തിന്റേയും വളര്‍ച്ചയ്ക്ക് അനിവാര്യമാണ്. തിരുവനന്തപുരം നഗരത്തില്‍ തന്നെ മന്ത്രി ഭവനങ്ങളിലും എം.എല്‍.എ.കോര്‍ട്ടേഴ്സിലും, സെക്രട്ടേറിയേറ്റിലും, യൂണിവേഴ്സിറ്റി കോളേജിലും, സര്‍വ്വകലാശാലയിലും മഹനീയമായ കോര്‍പ്പറേഷന്‍ വേസ്റ്റ് സൂക്ഷിച്ച് ജനങ്ങള്‍ക്ക് പരമാനന്ദസാഗരത്തില്‍ ആറാടാമെന്നിരിക്കെ, അന്യന്റെ പറമ്പിലേക്ക് വേസ്റ്റ് എറിയുന്ന മാടമ്പിത്വം അവസാനിപ്പിക്കേണ്ടതാണ്.

സ്വയം തടവറയിലിടുന്ന മലയാളി !

ചിത്രകാരന്‍ — Mon, 13 Feb 2012 07:34:00 +0000

ഇന്ന് എച്ചുമൊവോട് ഉലകം എന്ന ബ്ലോഗിലെ അകത്തേയ്ക്കു മാത്രം തുറക്കുന്ന വാതിലുകൾ എന്ന പോസ്റ്റ് ചിത്രകാരന്‍ വായിച്ചു. അവിടെ എഴുതിയ കമന്റ് താഴെ സൂക്ഷിക്കുന്നു:

chithrakaran:ചിത്രകാരന്‍said…: ശക്തി ചോര്‍ന്നുപോകാതിരിക്കാന്‍ ഉള്‍വലിഞ്ഞ് സ്വയം ചെറുതാകുകയും, നിര്‍വീര്യരാകുകയും ചെയ്യുന്ന വ്യക്തികളുടേയും കുടുംബത്തിന്റേയും, സമൂഹത്തിന്റേയും, രാജ്യത്തിന്റേയും വര്‍ത്തമാന കാലത്തെ സ്പഷ്ടമായും ഹൃദ്യമായും വരച്ചുകാണിക്കുന്ന പോസ്റ്റ് മനോഹരമായിരിക്കുന്നു. സമൂഹത്തിന്റെ വികാസ പരിണാമത്തിന്റെ ഓരോ ഘട്ടങ്ങളിലൂടെ കാലം കടന്നുപോക്കുമ്പോള്‍ സമൂഹം ഇങ്ങനെയൊക്കെ ആയിത്തീരാന്‍ സാംസ്ക്കാരികവും,സാമ്പത്തികവും, രാഷ്ട്രീയപരവുമായെ കാരണങ്ങളുണ്ടായിരിക്കണം. അതില്‍ ഏറ്റവും പ്രധാനമായിട്ടുള്ളത് അസാധാരണമായ വിധത്തിലുള്ള പണത്തിന്റെ ഒഴുക്കാണ്.ആ ഒഴുക്കിനെ പരമാവധി തങ്ങളുടെ വരുതിക്കകത്ത് തടഞ്ഞുനിര്‍ത്തി കഴിവുള്ളവരെന്ന് സ്വയവും അന്യരേയും ബോധ്യപ്പെടുത്താനുള്ള പെടപ്പാടിലാണ് നാം. കാരണം അങ്ങനെ പെരുമാറാനാണ് നമ്മുടെ പൊള്ളയായ സംസ്ക്കാരവും,തെറ്റായ ചരിത്രജ്ഞാനവും, ശുഷ്ക്കമായ രാഷ്ട്രീയബോധവും നമ്മെ പ്രേരിപ്പിക്കുന്നത്. സ്വന്തം അച്ഛനും അമ്മക്കും ബന്ധുവിനും ചന്തം പോരെന്നു തോന്നി സ്വന്തംഅച്ഛനെ മാറ്റിപ്പറയുന്ന മലയാളിയുടെ യഥാര്‍ത്ഥ സംസ്ക്കാരത്തെ നാം പണവും പത്രാസുംകൊണ്ട് ആകര്‍ഷകവും അഭിമാനകരവുമാക്കി ആധുനികരാകാന്‍ ശ്രമിക്കുമ്പോള്‍ ഇത്തരം ആത്മപരിശോധനകളുടെ വേലിയേറ്റങ്ങളും സുനാമികളും ആഞ്ഞടിക്കേണ്ടത് ആവശ്യമാണ്.
അഭിനന്ദനങ്ങള്‍ !!!

അച്ഛനെ മാറ്റിപ്പറയുന്ന മലയാളിക്കൊരു ചിരിമരുന്ന്February 13, 2012 11:38 AM

ദൈവനിഷേധം – വേര്‍ഷന്‍ 2.0

ചിത്രകാരന്‍ — Thu, 09 Feb 2012 16:16:00 +0000

പഴയ വേര്‍ഷന്‍ നിരീശ്വരവാദം തന്നെ ആവശ്യത്തിനു റാമോ ഹാര്‍ഡ് ഡിസ്ക്ക് സ്പേസോ പ്രോസസര്‍ സ്പീഡോ ഇല്ലാത്തതിനാല്‍ ഇതുവരെ ഇന്‍സ്റ്റാള്‍ ചെയ്യാനാകാതെ വിഷമിച്ചിരിക്കുന്ന ചിത്രകാരന്‍ ദൈവ നിഷേധത്തിന്റെ പുതിയ വെര്‍ഷന്‍ കുറുക്കന് ആമേ കിട്ടിയതുപോലെ തട്ടിക്കളിച്ചിരിക്കേണ്ട ഗതികേടിലാണ്. ആരേലും ഈ ടെഡ് വീഡിയോയുടെ ഉള്ളടക്കം ചുരുക്കത്തിലും ലളിത മലയാളത്തിലും അപ്ലോഡിയിട്ടുണ്ടെങ്കില്‍ അതിന്റെ ലിങ്കൊന്നു തന്നു സഹായിക്കുകയാണെങ്കില്‍ ദൈവാനുഗ്രഹമുണ്ടാകുന്നതാണെന്ന് നിശ്ചയമായും വിശ്വസിക്കാം

ഇന്ദു മേനോനും കക്കൂസ് ചുവരിലെഴുതാന്‍ തുടങ്ങി !!

ചിത്രകാരന്‍ — Sat, 04 Feb 2012 17:52:00 +0000

chithrakaran:ചിത്രകാരന്‍, February 4, 2012 10:56 PM ശൂദ്രര്‍ക്കിടയിലെ മേനോന്‍ ഉപജാതിയുടെ സാഹിത്യകാരിയായ ഇന്ദുമേനോന്‍ എന്ന എഴുത്ത് ജീവിയുടെ പേരും പെരുമയും ഉയര്‍ത്തിപ്പിടിക്കുന്ന കുലിനമായ എഴുത്ത് ശീലങ്ങളെ കേവലം കക്കൂസ് ജീവികളായ ബ്ലോഗര്‍മാര്‍ ഇങ്ങനെ കണ്ണില്‍ ചോരയില്ലാതെ നെറ്റിലിട്ട് വലിച്ചിഴക്കരുതായിരുന്നു. അവര്‍ക്ക് കക്കൂസില്‍ കേറാതെതന്നെ ആജിവനാന്തം ജീവിക്കണമെന്ന വാശിയുണ്ടായിരുന്നെങ്കില്‍ അതിനവര്‍ക്ക് അവകാശമുണ്ട്. അസുഖകരമായ സമൂഹ്യയാഥാര്‍ത്ഥ്യങ്ങളെയും,വിഢികളായ വേസ്റ്റ് മനുഷ്യരുടെ നിശ്വാസങ്ങളേയും വിയര്‍പ്പു മണത്തെയും കക്കൂസ് ചുമരുകളില്‍ നേരില്‍ കണ്ട് ഞെട്ടേണ്ടിവരുന്ന കുലിന സാഹിത്യ തറവാട്ടിലെ ഒരു അരുമയെ പ്രിന്റു മീഡിയയുടെ ശീതീകരിച്ച സ്വീകരണമുറിയിലിരുത്തി കാര്യങ്ങള്‍ സാധിക്കാന്‍ അനുവദിക്കുന്നതിനു പകരം നമ്മുടെ ബൂലോകം ചെയ്യുന്ന ഈ അക്രമം മേനോന്‍ ജാതി വൃണങ്ങളെ വികാരപ്പെടുത്താന്‍ പോലും കാരണമായെന്നു പറയേണ്ടിയിരിക്കുന്നു.മൂരാച്ചികളായ ബ്ലോഗര്‍മാരും നമ്മുടെ ബൂലോകവും കുലുക്കി പൊളിച്ച പാലത്തില്‍ കുലുങ്ങാതെ നില്‍ക്കുന്ന ഇന്ദു മേനോനെ സ്വന്തമായി ബ്ലോഗ് തുടങ്ങിയതിന്റെ പേരില്‍ അഭിനന്ദിക്കാതിരിക്കാന്‍ എത്ര ശ്രമിച്ചിട്ടും ചിത്രകാരനു കഴിയുന്നില്ല.

ഇന്ദു മേനോനും ബ്ലോഗ്കക്കൂസില്‍ കേറാന്‍ തുടങ്ങിയെന്ന് ചുരുക്കം !!! ഇന്ദു മേനോനും കക്കൂസ് ചുവരിലെഴുതാന്‍ തുടങ്ങി !!

ഇന്ദുമേനോന്റെ ബ്ലോഗ് കക്കൂസ് ചുവരുകളിലേക്കുള്ള ലിങ്ക്(ഇവിടെ അമര്‍ത്തുക)

നമ്മുടെ ബൂലോകത്തില്‍ മനോരാജ് എഴുതിയ അങ്ങിനെ പവനായി വീണ്ടും ശവമായി!! ഇന്ദുമേനോനും ബ്ലോഗായി!! എന്ന പോസ്റ്റില്‍ ചിത്രകാരന്റെ കമന്റാണ് മുകളില്‍ കൊടുത്തിരിക്കുന്നത്.ദേശാഭിമാനി ഓണ്‍ലൈന്‍ പത്രത്തില്‍ ഇന്ദുമേനോന്‍ നല്‍കിയ സ്വയംകൃത പാരയായ അഭിമുഖത്തിലേക്കുള്ള ലിങ്ക്

ഇന്ദു മേനോന്റെ ബ്ലോഗില്‍ ചിത്രകാരന്‍ എഴുതിയ കമന്റ് താഴെ:

chithrakaran:ചിത്രകാരന്‍Feb 5, 2012 06:23 AM

സ്വന്തം പുസ്തകം കച്ചോടാക്കാന്‍ പറ്റിയ കാശുചിലവില്ലാത്ത മാധ്യമം സൈബര്‍ മീഡിയയാണെന്ന് സന്തോഷ് പണ്ഡിറ്റിന്റെ അനുഭവത്തില്‍ നിന്നോ മറ്റോ മനസ്സിലാക്കിയതുകൊണ്ടാകണം ഈ മേനോന്‍ സാഹിത്യകാരി ബ്ലോഗില്‍ തന്റെ മൂത്രപ്പുരയുടെ ചുമരുകള്‍ നിര്‍മ്മിക്കാന്‍ ആരംഭിച്ചത്. അല്ലാത്തപക്ഷം അവര്‍ അവരുടെ മുന്‍ നിലപാടിലെ വിഢിത്തം തിരുത്താതെ സ്വന്തം കക്കൂസു പണിയാന്‍ ശ്രമിക്കുമായിരുന്നില്ല.

ഏതായാലും സൈബര്‍ മീഡിയയില്‍ ആര്‍ക്കും ആരേയും തമസ്ക്കരിക്കാനാകില്ല. പരസ്യമെങ്കില്‍ പരസ്യം… ബൂലോഗത്തേക്ക് ചിത്രകാരന്റെ സ്വാഗതം !!!
ചിത്രകാരന്റെ കമന്റു ഭരണയിലെ പോസ്റ്റ് ലിങ്ക്:
ഇന്ദു മേനോനും കക്കൂസ് ചുവരിലെഴുതാന്‍ തുടങ്ങി !!

മതവിശ്വാസങ്ങള്‍ കുളിക്കാറില്ല !

ചിത്രകാരന്‍ — Tue, 31 Jan 2012 07:04:00 +0000

പച്ചക്കുതിര മാഗസിനില്‍ പ്രസിദ്ധീകരിച്ച ഫൌസിയ ടീച്ചറുമായുള്ള താഹാ മാടായിയുടെ അഭിമുഖ ലേഖനം ബ്ലോഗിലെ ഇസ്ലാമിക സ്ത്രീപക്ഷ എഴുത്തുകാരിയായ സുബൈദക്ക് ഒരു പോസ്റ്റെഴുതാന്‍ പ്രകൊപനമുണ്ടാക്കിയിരിക്കുന്നു. ചിത്രകാരന്‍ ആ പോസ്റ്റിലെഴുതിയ കമന്റ് താഴെ:

chithrakaran:ചിത്രകാരന്‍said…: നമ്മുടെ മനസ്സിലെ ജീര്‍ണ്ണിച്ചതും അഴുകിയതുമായ മതവിശ്വാസങ്ങള്‍ കഴുകിക്കളഞ്ഞ് വ്യക്തിശുചിത്വം പാലിക്കേണ്ടത് പുരോഗമന ചിന്തയുള്ള ഏതു മനുഷ്യ സമൂഹത്തിന്റേയും ആത്യന്തിക ആവശ്യമാണ്. ഫൌസിയ ടീച്ചര്‍ പച്ചക്കുതിരയിലൂടെ അത്തരമൊരു പ്രവര്‍ത്തിയെ തന്റെ ആദര്‍ശനിഷ്ഠ ജീവിതത്തിലൂടെ ചെയ്യുന്നുള്ളു.
ലോകത്തില്‍ ഹിന്ദു മതവും ഇസ്ലാം മതവും അതിന്റെ വിശ്വാസി സമൂഹത്തെ പ്രാകൃതമനുഷ്യരായി നിലനിര്‍ത്തുന്നതില്‍ നിസ്തുലമായ സേവനം നല്‍കുന്നുണ്ട്. ഇവറ്റകളുടെ വിവരമില്ലായ്മയും ദുരഭിമാനവും ദുശാഠ്യങ്ങളും അഴുകി പൊട്ടിയൊലിക്കുന്ന മതവികാരവും ലോകസമൂഹത്തിന് അറപ്പും വേറുപ്പും ശല്യവുമാകുന്നതിനുപുറമെ ജീവനുഭീഷണിയുമായിത്തീര്‍ന്നിരിക്കയാണ്. അഫ്ഗാനിസ്ഥാനും, ഇറാക്കും രക്തസാക്ഷികളായിക്കഴിഞ്ഞു. പാക്കിസ്താനും, ഇറാനും,ഹൈന്ദവ വര്‍ഗ്ഗീയതയുടെ വിത്തുവിതച്ചുകൊണ്ടിരിക്കുന്ന ഇന്ത്യയും ഈ ദുരഭിമാന പാതയിലൂടെത്തന്നെയാണു സഞ്ചരിച്ചുകൊണ്ടിരിക്കുന്നത്. ഈ അവസരത്തിലാണ് ഹിന്ദുക്കള്‍ക്കും, മുസ്ലീങ്ങള്‍ക്കും അവരുടെ പിന്നോക്കാവസ്ഥക്ക് കാരണമായിരിക്കുന്നത് അവരുടെ മതവും പുരോഹിതരുമാണെന്ന സത്യം അവരിലെ അഭ്യസ്തവിദ്യര്‍ മനസ്സിലാക്കുകയും, തങ്ങളുടെ മത സമൂഹത്തെ നവീകരിക്കാനായി റുഷ്ദിമാരും, തസ്ലീമമാരും, ജാബ്ബാര്‍ ഫൌസിയമാരും സ്വജീവന്‍ അപകടപ്പെടുത്തിപ്പോലും മുന്നോട്ടു വരുന്നത്. അവരെ സ്വാഗതം ചെയ്യുകയും ആദരിക്കുകയും ചെയ്യേണ്ടതിനു പകരം അവര്‍ നല്‍കുന്ന അറിവിനെതിരെ പുറം തിരിഞ്ഞിരിക്കാന്‍ വിശ്വാസികളെ പ്രേരിപ്പിക്കുന്ന സുബൈദമാര്‍ പൌരോഹിത്യ അജണ്ട കൈക്കൊള്ളുന്നു എന്നത് സഹതാപകരമാണ്.

സുബൈദയുടെ നിരീക്ഷണങ്ങളും ഇളകാത്ത മതവിശ്വാസവും രസകരമായ കാഴ്ച്ചയാണ്. പാലം കുലുങ്ങ്യാലും കുലുങ്ങാത്ത കേളന്മാരാണ് വിശ്വാസി സമൂഹമെന്ന ധാരണ ശക്തിപ്പെടുത്തുന്ന ഈ “ഇസ്ലാമികസ്ത്രീപക്ഷ” ചിന്തക്ക് ചിത്രകാരന്റെ അഭിവാദ്യങ്ങളര്‍പ്പിച്ചുകൊള്ളുന്നു.31 January 2012 11:41 AM

സുബൈദയുടെ സ്ത്രീപക്ഷ ബ്ലോഗിലേക്കുള്ള ലിങ്ക്: പച്ചക്കുതിരപ്പുറമേറിയ യുക്തിവാദി

ദൈവങ്ങളെ നിര്‍മ്മിക്കാം !!

ചിത്രകാരന്‍ — Sat, 28 Jan 2012 14:41:00 +0000

ദൈവങ്ങളെ നിര്‍മ്മിക്കല്‍ പണ്ടുകാലത്ത് ശില്‍പ്പികളുടെയും കവികളുടേയും ഭാവനാവിലാസത്തിനു കീഴില്‍ വരുന്ന പ്രവര്‍ത്തിയായിരുന്നെങ്കില്‍ ഇന്ന് ബിസിനസ്സ് സ്കൂളുകളില്‍ പഠിപ്പിക്കപ്പെടുന്ന ബ്രാന്‍ഡ് ബില്‍ഡിങ്ങ് മാനേജുമെന്റാണ്. നമുക്കിടയിലെ ഉണ്ണുകയും ഉടുക്കുകയും മറ്റെല്ലാ മാനുഷിക പ്രവര്‍ത്തനങ്ങളും നടത്തുന്ന ഒരു വ്യക്തിയെ അനായാസം ദൈവമാക്കാവുന്നതേയുള്ളു. ഏതു വ്യാപാരമോ വ്യവസായമോ ആരംഭിക്കുന്നതിനും ലൈസന്‍സും നിയമ നൂലാമാലകളും ശരിയാക്കേണ്ട നമ്മുടെ രാജ്യത്ത് ഒരു നിയന്ത്രണത്തിനും അധീനമാകാതെ നടത്താവുന്ന ബിസിനസ്സാണ് ദൈവ നിര്‍മ്മാണവും, ഭക്തിവ്യവസായവും. സര്‍ക്കാരും, പോലീസും, കോടതിയും, പൊതുസാംസ്ക്കാരികതയും ഭക്തി വ്യവസായത്തെ ശ്വാസോച്ച്വാസം പോലുള്ള ജീവന്‍ നിലനിര്‍ത്താനുള്ള ഏറ്റവും പ്രധാനപ്പെട്ട ആവശ്യമായി കണ്ട് ഭക്തി വ്യവസായത്തിനു മുന്നില്‍ പഞ്ചപുച്ചമടക്കി നില്‍ക്കുന്നത് നമുക്ക് കാണാനാകും. ശബരിമലയില്‍ മകരവിളക്കെന്ന തട്ടിപ്പ് സര്‍ക്കാരിന്റെ അറിവോടും സംരക്ഷണയോടും ഇത്രയും കാലം നടത്തിവന്നിരുന്നത് നാം കണ്ടതാണ്. ആധുനിക ശാസ്ത്രപ്രകാരമോ, വസ്തുനിഷ്ഠമായ ചിന്തകളാലോ ന്യായീകരിക്കാനാകാത്ത സമൂഹ വഞ്ചനയും മന്ത്രവാദം എന്ന തട്ടിപ്പും നമ്മുടെ സര്‍ക്കാരിന്റേയും നീതിപീഠങ്ങളുടേയും മൂക്കിനു താഴെ അവരുടെ സംരക്ഷണത്തിനു കീഴില്‍ വളര്‍ന്ന് സമൂഹത്തില്‍ ഇരുട്ട് പരത്തുമ്പോഴും നമുക്കൊന്നും മിണ്ടാനാകുന്നില്ല. ക്ഷേത്രങ്ങളിലേക്ക് ശാന്തിക്കാരനെ നിയമിക്കുമ്പോള്‍ ശാന്തിക്കാരനു മന്ത്ര തന്ത്രങ്ങളില്‍ നല്ല അവഗാഹമുണ്ടോ എന്ന് പരിശോധിക്കുന്നത് നമ്മുടെ ജനാധിപത്യ ഗവണ്മെന്റിന്റെ നിയന്ത്രണത്തിലുള്ള ദേവസ്വം ബോര്‍ഡാണല്ലോ. എന്താണു മന്ത്രം ? എന്താണു തന്ത്രം? അവയുടെ ശക്തി തെളിയിക്കപ്പെട്ടതാണോ ? തെളിയിക്കപ്പെടാത്ത മന്ത്ര തന്ത്രങ്ങളുടെ ശക്തിയെ ഗവണ്മെന്റ് അംഗീകരിക്കുന്നത് മന്ത്രവാദികളായ ബ്രാഹ്മണരും മറ്റു പുരോഹിതരും സമൂഹത്തിന്റെ നിയന്ത്രണശേഷിയുള്ള സ്ഥാനങ്ങളിലെത്താന്‍ കാരണമാകുകയും, സമൂഹ്യ വളര്‍ച്ചക്ക് ആവശ്യമായ ശാസ്ത്രത്തിന്റെ വളര്‍ച്ചക്ക് വിലങ്ങുതടിയാകുകറ്യും, റൊക്കറ്റു വിടുന്നതിനു മുന്‍പ് ഗണപതി ഹോമം നടത്തുന്ന ശാസ്ത്രജ്ഞരെന്ന ഉദ്ദ്യോഗസ്തവിഢികളെ ഉല്‍പ്പാദിപ്പിക്കാന്‍ ഇടയാക്കുകയും ചെയ്യുന്നുണ്ട്. ജനങ്ങളുടെ അന്ധവിശ്വാസങ്ങളെ മറയാക്കി മനുഷ്യ സമൂഹത്തെ മന്ത്രവാദം കൊണ്ട് വഞ്ചിക്കാനും, കൊള്ളയടിക്കാനും കച്ചകെട്ടിയിറങ്ങുന്ന ജീവനുള്ള ബ്രാന്‍ഡഡ് ദൈവങ്ങളേയും, ജീവനില്ലാത്ത ദൈവങ്ങളേയും, ദൈവങ്ങളുടെ ഉടമകളും തന്തമാരുമായി വരുന്ന തന്ത്രിന്മാരും, മേല്‍ശാന്തിമാരും, പഴയ എട്ടുകാലി മമ്മൂഞ്ഞുമാരായ രാജാക്കന്മാരും നമ്മുടെ സമൂഹത്തിന്റെ നന്മയുടെ പൊയ്മുഖങ്ങളണിഞ്ഞ തിന്മയാണെന്ന് വിളിച്ചുപറയാന്‍ … വല്ല കുട്ടികളോ സഹോദരന്‍ അയ്യപ്പന്മാരോ മുന്നോട്ടുവന്നേ പറ്റു !! അമൃതാനന്ദമയിയുടെ 58 ആം പീറന്നാള്‍ ആഘോഷത്തോടനുബന്ധിച്ച് അവരുടെ ശിക്ഷ്യരായ മാനേജുമെന്റ് ഗുരുക്കള്‍ കാട്ടിക്കൂട്ടുന്ന താന്ത്രികവും മന്ത്രവാദപരവുമായ ഭക്തരുടെ കണ്ണില്‍ പൊടിയിടല്‍ വിദ്യകള്‍ ഒരു വീഡിയോയായി ആ മഹതിയുടെ ഭക്തി പ്രസ്ഥാനത്തിന്റെ സൈറ്റില്‍നിന്നും ലഭിച്ചത് താഴെ ചേര്‍ക്കുന്നു.

Amma’s 58th Birthday from amma on Vimeo.

പ്രതീകാത്മക ജനാധിപത്യ റിപ്പബ്ലിക്

ചിത്രകാരന്‍ — Thu, 26 Jan 2012 04:26:00 +0000

അറിവോ ആത്മബോധത്തിനുള്ള ജനാധിപത്യ ഇടമോ ലഭിച്ചിട്ടില്ലാത്ത ജനകോടികളുടെ പേരില്‍ അവരറിയാതെ സ്ഥാപിതമായ 131 കോടി ജനങ്ങളെ വരിഞ്ഞുകെട്ടുന്ന റിപ്പബ്ബ്ലിക് ഒരു പ്രതീകാത്മക ജനാധിപത്യ സ്ഥാപനം മാത്രമാണ്. ഈ നാമമാത്ര ജനാധിപത്യത്തെ സത്യസന്ധവും, സമത്വപൂര്‍വ്വവും, നീതിപൂര്‍വ്വവും, സ്വതന്ത്രവുമായ സര്‍വ്വജനങ്ങളുടേയും ആത്മാഭിമാനത്തിന്റെ സഞ്ചിത ബോധമായ ജനാധിപത്യ റിപ്പബ്ലിക്കാക്കാന്‍ എത്രയോ നാം മുന്നോട്ടു പോകേണ്ടതായിട്ടുണ്ട്. സ്വാതന്ത്ര്യവും സമത്വവും ജനാധിപത്യവും സത്യസന്ധമാകുന്നത് സമൂഹത്തിന്റെ ഏറ്റവും അടിത്തട്ടിലുള്ളവര്‍ക്ക് മൊത്തം സമൂഹത്തെ പ്രതിനിധീകരിക്കാവുന്ന അവസര സമത്വവും സര്‍വാത്മനായുളള സ്വീകാര്യതയും ലഭിക്കുമ്പോള്‍ മാത്രമാണ്. അല്ലാതുള്ള ഉപരിവര്‍ഗ്ഗത്തിന്റെ വി.ഐ.പി. റിപ്പബ്ലീക് ആഘോഷങ്ങള്‍ കപട ജനാധിപത്യത്തിന്റെ കെട്ടുകാഴ്ച്ചകാള്‍ മാത്രമാണ്.ഏവര്‍ക്കും ചിത്രകാരന്റെ റിപ്പബ്ലിക് ദിനാശംസകള്‍ !!!

അഴീക്കോടിനെ "സുകുമാര്‍ തൃശൂരാ"ക്കരുത്

ചിത്രകാരന്‍ — Tue, 24 Jan 2012 03:50:00 +0000

മരണവും, ശവസംസ്ക്കാരവും റിയാലിറ്റി ഷോയാക്കുന്ന വിഷ്വല്‍ മീഡിയയുടെ ചര്‍ച്ചകളുടെ ചൂട് നിലനിര്‍ത്താന്‍ ശ്രമിക്കുന്നതിന്റെ ഭാഗമായാകണം സുകുമാര്‍ അഴീക്കോടിന്റെ മൃതദേഹത്തെപ്പോലും അപമാനിച്ചുകൊണ്ട് നമുക്ക് “സംസ്ക്കാര വിവാദ”മുണ്ടാക്കാന്‍ കഴിയുന്നത്.തൃശൂരിലെ ചില സാംസ്ക്കാരിക പ്രവര്‍ത്തകര്‍ക്ക് സമനില നഷ്ടപ്പെട്ടുവോ എന്ന് സംശയിക്കെണ്ടിയിരിക്കുന്നു. സുകുമാര്‍ അഴിക്കോടിന്റെ ശവസംസ്ക്കാരം തൃശൂരില്‍ തന്നെ നടത്തണമെന്ന് തൃശൂര്‍ മാത്രമാണ് സാംസ്ക്കാരിക കേരളമെന്ന് വിശ്വസിക്കുന്ന സാഹിത്യ പ്രവര്‍ത്തകര്‍ക്കും, സുഹൃത്തുക്കള്‍ക്കും നിര്‍ബന്ധബുദ്ധിയൂണ്ടായിരിക്കുന്നു. ഇത്രയും കാലം അഴീക്ക്കോടിന്റെ ബന്ധുക്കള്‍ എവിടെയായിരുന്നു എന്ന് ടി.വി.ചാനലിലൂടെ ചോദിക്കാനുള്ള ക്രൂരതപൊലും അഴീക്കോടിന്റെ പേരിലുള്ള ട്രസ്റ്റിന്റെ ഒരു ഭാരവാഹിക്കുണ്ടായിരിക്കുന്നു എന്നത് ലജ്ജാവഹമായിരിക്കുന്നു. സുകുമാര്‍ അഴീക്കോട് തൃശൂരിനെ സ്നേഹിച്ചെന്നതു സത്യമാണ്. അത് തൃശൂരില സൌഹൃദസദസ്സിന്റെ ഭാഗ്യം എന്ന് സ്മരിക്കുകയല്ലാതെ, അദ്ദേഹത്തിന്റെ മൃതദേഹത്തിനുവേണ്ടി അടുത്ത ബന്ധുക്കളുമായി തര്‍ക്കിക്കുക എന്നത് എന്തുമാത്രം മനുഷ്യത്വഹീനമായ പ്രവര്‍ത്തിയാണെന്ന് ചിന്തിക്കണം. സുകുമാര്‍ അഴീക്കോട് തന്റെ പേരിന്റെ അവസാനഭാഗവും പ്രധാനഭാഗവുമായി “അഴിക്കോടിനെ” തന്നെയാണ് ജീവിതാവസാനം വരേയും കൊണ്ടു നടന്നിരുന്നെന്ന സത്യമെങ്കിലും വിവാദക്കാര്‍ ഓര്‍ക്കേണ്ടതാണ്.അഴീക്കോടിന്റേത് അനാഥ ശവമൊന്നുമല്ല തൃശൂരില്‍ സംസ്ക്കരിക്കാന്‍.വലിയ സാമ്പത്തികശക്തിയൊന്നുമില്ലെങ്കിലും കണ്ണൂരില്‍ അദ്ദേഹത്തിന് കുടുമ്പാംഗങ്ങളുണ്ട്. അവരെ വേദനിപ്പിക്കാതിരിക്കാനുള്ള മനുഷ്യത്വമാണ് ആരാധകര്‍ക്കും, സുഹൃത്തുക്കള്‍ക്കുമുണ്ടാകേണ്ടത്. കണ്ണൂര്‍ മലയാളിക്കു നല്‍കിയ വഴിവിളക്കാണ് അഴിക്കോട്. അദ്ദേഹത്തെ “സുകുമാര്‍ തൃശൂരാക്കാന്‍” ശ്രമിക്കരുത്.

ഇതിഹാസങ്ങളും ഐതിഹ്യങ്ങളും പൊളിച്ചെഴുതണം !

ചിത്രകാരന്‍ — Mon, 23 Jan 2012 16:43:00 +0000

ഉത്തരകാലം എന്ന വെബ് പേജില്‍ ശങ്കരനാരായണന്‍ മലപ്പുറം എഴുതിയ കൊട്ടാരനുണകള്‍ ചരിത്രമാക്കണമെന്നോ? എന്ന ലേഖനത്തിന് ചിത്രകാരന്‍ എഴുതിയ കമന്റ് താഴെ സൂക്ഷിക്കുന്നു :ചിത്രകാരന്‍:chithrakaran on January 23, 2012 at 4:17 pm said: Your comment is awaiting moderation.

മന്ത്രവാദികളായ ബ്രാഹ്മണരെ നികൃഷ്ടരും പരാന്നഭോജികളുമായ ദുര്‍മന്ത്രവാദികളായി നാം ഈ ജനാധിപത്യ കാലഘട്ടത്തില്‍ പോലും തിരിച്ചറിയാനോ രേഖപ്പെടുത്താനോ ആരംഭിച്ചിട്ടില്ല. നമ്മുടെ സമൂഹം “ബ്രാഹ്മണോ മമ ദൈവതം“ എന്ന ഉഗ്രതരമായ ഹൈന്ദവ മയക്കുമരുന്നിന്റെ ഉപയോക്താക്കളാകുന്നതില്‍ നാള്‍ക്കു നാള്‍ മുന്നേറിക്കൊണ്ടിരിക്കയുമാണ്. സമൂഹത്തെ അപകടപ്പെടുത്തുന്ന ഈ ഹൈന്ദവീകരണ പൊതുധാരക്കെതിരെ ഫലപ്രദമായി ഉപയോഗിക്കാവുന്ന ആയുധം ബ്രാഹ്മണരുടെ ഏമ്പക്ക സാഹിത്യസൃഷ്ടികളായ പുരാണേതിഹാസങ്ങളിലേയും കൊട്ടാരത്തില്‍ ശങ്കുണ്ണിയേപ്പോലുള്ള ശൂദ്ര വിഢികളുടെ കള്ളക്കഥാസമാഹാരങ്ങളിലേയും മനുഷ്യത്വ വിരുദ്ധത പുറത്തുകൊണ്ടുവരിക എന്നതുതന്നെയാണ്. ഒരുപക്ഷേ, ഈ വിഷയത്തില്‍ ഏറെ സംഭാവന നല്‍കാന്‍ കഴിയുമായിരുന്ന അഴീക്കോടും എം.കെ.സാനുവും സവര്‍ണ്ണ ചളിക്കുളങ്ങാളായ ഇതിഹാസങ്ങളില്‍ കാല്‍ വഴുതി വീണെന്ന് കരുതണം. ആ വീഴ്ച്ചയുടെ പേരില്‍ ഇവരെ വിമര്‍ശിക്കുന്നത് ഭാവിയില്‍ മറ്റുള്ളവര്‍ക്ക് സ്ഥലജല ഭ്രമത്തില്‍ നിന്നും രക്ഷ നേടാനെങ്കിലും സഹായിക്കും. ആ നിലക്കുള്ള ഈ പോസ്റ്റിന് ചിത്രകാരന്റെ അഭിവാദ്യങ്ങള്‍ !!!
ചിത്രകാരന്റെ കമന്റു ഭരണിയില്‍ ഉപ്പിലിട്ടിരിക്കുന്ന ലിങ്ക്: ഇതിഹാസങ്ങളും ഐതിഹ്യങ്ങളും പൊളിച്ചെഴുതണം !

കൊച്ചി മുസരിസ് ബിനാലെ

ചിത്രകാരന്‍ — Wed, 18 Jan 2012 18:25:00 +0000

……………………………………………….……………………………………………….……………………………………………….……………………………………………….……………………………………………….……………………………………………….